Bakı, 14 dekabr, AZƏRTAC
ABŞ Dövlət Departamentinin Beynəlxalq enerji məsələləri üzrə xüsusi elçisi və əlaqələndiricisi Amos Hokstayn “Günəşli” yatağının 10 saylı stasionar dərin dəniz özülündə baş vermiş qəzanın təhlili və bərpa işləri ilə əlaqədar ölkəsinin Azərbaycana köməyini təklif edib. A.Hokstayn ABŞ Daxili İşlər Nazirliyinin Təhlükəsizlik və Ətraf Mühitin Mühafizəsi (BSEE) Bürosu hadisənin əsas səbəbinin təhlilində kömək etməyə hazır olduğunu bildirib.
Bu barədə AZƏRTAC-a Azərbaycanın Energetika Nazirliyindən məlumat verilib.
