Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Tbilisidə keçirilən konfransda kibercinayətkarlığa qarşı birgə mübarizədə beynəlxalq əməkdaşlıq müzakirə edilir

Tbilisidə keçirilən konfransda kibercinayətkarlığa qarşı birgə mübarizədə beynəlxalq əməkdaşlıq müzakirə edilir

Date: 14 December 2015 18:03


Tbilisi, 14 dekabr, AZƏRTAC
Tbilisidə Avropa Şurasının təşəbbüsü ilə Şərqi Avropa ölkələrinin hüquq mühafizə orqanları əməkdaşları üçün “Kibercinayətkarlığa qarşı mübarizədə beynəlxalq əməkdaşlıq” mövzusunda konfrans keçirilir.
Tədbirdə Azərbaycan Respublikası Baş Prokurorluğunun, Ədliyyə Nazirliyinin və s. müvafiq qurumların əməkdaşları, eləcə də Ukrayna, Moldova, Belarus, Gürcüstan və digər ölkələrin nümayəndələri iştirak edirlər.
Üç gün davam edəcək konfransda əsasən kibercinayətkarlığa qarşı mübarizədə birgə əməkdaşlığın perspektivləri, bu sahədə online resurs mərkəzinin yaradılması və s. məsələlər müzakirə olunur.
Bildirilib ki, müasir dünyada kibercinayətkarlığa qarşı birgə mübarizə daha böyük səmərə verir. Ona görə də bu sahədə təcrübə və biliklərin toplanması, yeni online resursun yaradılması məqsədəuyğundur. Belə bir mərkəzi yaratmaqda məqsəd kibercinayətkalığa qarşı beynəlxalq əməkdaşlığı gücləndirmək, mübarizənin effektivliyini artırmaq, araşdırma, sorğu, istintaq, məhkəmə prosesləri zamanı geniş baza materiallarından istifadə etməkdir. Bu yolla gələcəkdə kibercinayətkarlığa qarşı mübarizənin səmərəliliyi artacaq.
Azərbaycan Respublikası Baş Prokurorluğunun Beynəlxalq Əlaqələr İdarəsinin prokuroru Rövşən Ağayev AZƏRTAC-ın xüsusi müxbirinə müsahibəsində deyib ki, 2001-ci Buxarestdə kibercinayətkarlığa qarşı mübarizəyə dair Konvensiya imzalanıb və Azərbaycan 2010-cu ildən bu konvensiyaya qoşulub. Bu sahədə xarici ölkələrlə səmərəli əməkdaşlıq edən Azərbaycan mütəmadi olaraq həmin dövlətlərə hüquqi yardım göstərir və lazım gəldikdə onların da xidmətlərindən istifadə edir. Tədbirdə iştirak edənlər bu sahədə böyük təcrübə qazanmış insanlardır. Onlar öz təcrübələrini bölüşür, fikir mübadiləsi aparırlar.
Bildirilib ki, bu, sayca ikinci iclasdır. Birinci iclas Strasburqda keçirilib.
Xətayi Əzizov
AZƏRTAC-ın xüsusi müxbiri
Tbilisi




Tags:  Tbilisidə keçirilən konfransda kibercinayətkarlığa qarşı birgə mübarizədə beynəlxalq əməkdaşlıq müzakirə edilir


RƏYLƏR


Top news