Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Dekabrın 15-dən hakimliyə namizədlərin sənədlərinin növbəti qəbuluna başlanılacaq

Date: 14 December 2015 19:43


Bakı, 14 dekabr, AZƏRTAC
Məhkəmə fəaliyyətinin təkmilləşdirilməsi üzrə Azərbaycan Prezidenti İlham Əliyevin tapşırıqlarının icrası çərçivəsində hakim vəzifəsinə namizədlərin şəffaf üsullarla, müasir beynəlxalq tələblər səviyyəsində seçilməsinə xüsusi əhəmiyyət verilir. Bununla əlaqədar ölkəmizdə hakimlərin seçiminin Avropada örnək kimi dəyərləndirilən mütərəqqi qaydaları hazırlanıb, son illər ərzində 2600 namizəd sırasından 307 nəfər yüksək hazırlıqlı hüquqşünas seçilərək uzunmüddətli təlimlər, məhkəmələrdə, o cümlədən xarici dövlətlərdə təcrübə keçdikdən sonra hakim vəzifələrinə təyin ediliblər.
Hakimlərin Seçki Komitəsinin (HSK) dekabrın 14-də keçirilən iclasında mövcud vakansiya və hakim kadrlarına ehtiyaclarla bağlı məsələ müzakirə edilib və hakimliyə namizədlərin sənədlərinin növbəti qəbulunun başlanılması qərara alınıb.
HSK-dən AZƏRTAC-a bildiriblər ki, namizədlərin sənədləri 2015-ci il dekabrın 15-dən Hakimlərin Seçki Komitəsi tərəfindən qəbul ediləcək (ünvan: Bakı şəhəri, Z.Xəlilov küçəsi, 540-cı məhəllə).
Hakimliyə namizədlər üçün əlverişli şərait yaradılması məqsədilə “Hakimliyə Namizədin Yaddaş Kitabçası”, tələb edilən sənədlərin siyahısı, hakim vakansiyaları barədə və digər məlumatlar Məhkəmə-Hüquq Şurasının internet səhifəsində yerləşdirilib (www.jlc.gov.az).
İmtahanların keçirilməsi ilə bağlı digər aidiyyəti məsələlər barədə əlavə məlumat veriləcək.
Əlaqə telefonu: (012) 510-22-97; (051) 510-22-97.

Tags:  Dekabrın 15-dən hakimliyə namizədlərin sənədlərinin növbəti qəbuluna başlanılacaq


RƏYLƏR


Top news