Aktual mövzular: Dollar alış-satışı , Hava haqqında, Məzənnə, Neftin qiyməti

Türkiyədə iğtişaş: ölənlər və yaralananlar var - FOTO

Türkiyədə iğtişaş: ölənlər və yaralananlar var - FOTO

Date: 14 December 2015 19:57

Türkiyənin Diyarbəkir şəhərində polislə nümayişçilər arasında toqquşma baş verib. Nəticədə 2 nəfər ölüb, 2 nəfər yaralanıb, xeyli sayda adam nəzarət altına alınıb.

"Report"un Türkiyə KİV-inə istinadən verdiyi məlumata görə, bu gün Türkiyə polisi Diyarbəkirin küçəyə çıxmaq yasağı tətbiq edilmiş Sur rayonunda PKK terrorçu təşkilatının üzvlərinin qazdığı xəndəklərin doldurulması, barrikadaların qaldırılması və terrorçuların zərərsizləşdirilməsi üçün əməliyyat keçirib. Xalqların Demokrat Partiyası (HDP) isə Diyarbəkir valililiyinin xəbərdarlığına baxmayaraq Sur rayonunda tətbiq edilmiş küçəyə çıxmaq qadağasına etiraz məqsədilə xalqı aksiyaya çağırıb. Nəticədə rayondakı əksər obyektlər qapadılıb, bələdiyyə avtobusları marşrut xəttinə çıxmayıb, şagirdlər məktəbə getməyiblər.
Aksiya zamanı polislər yolu bağlamağa cəhd göstərən və onlara daşlarla müdaxilə edən nümayişçilərin qarşısını almaq üçün havaya xəbərdarlıq atəşi açıb, sonra gözyaşardıcı qazdan və su şırnağından istifadə edib. 
Türkiyə polisi hazırda toqquşma zamanı açılan atəş nəticəsində ölən nümayişçilərin şəxsiyyətini müəyyənləşdirir.  

Milli.Az













Tags:  Türkiyədə iğtişaş ölənlər yaralananlar var FOTO


RƏYLƏR


Top news