Aktual mövzular: Dollar alış-satışı , Hava haqqında, Məzənnə, Neftin qiyməti

Rusiya-Latviya sərhədinin üçdə biri hasarlanacaq

Rusiya-Latviya sərhədinin üçdə biri hasarlanacaq

Date: 14 December 2015 21:37

Bakı. 14 dekabr. REPORT.AZ/ Latviya və Rusiya arasındakı sərhəd xəttinin üçdə biri hasarlanacaq.
Latviya sərhəd xidmətinin nümayəndəsi Yevgeniya Poznyak BBC Rus xidmətinə deyib ki, səddin qurulması layihəsinə 2015-ci ildə başlanıb, bu bazar ertəsindən etibarən isə bilavasitə hasarın inşası həyata keçirilir.
"Hasar yalnız müəyyən yerlərdə lazımdır və o, 270 kilometrlik sərhədin 90 kilometrində qurulacaq. Sərhədin hasarlanmış sektorlarının uzunluğu isə 2-5 kilometr olacaq. Bu sərhədin qanunsuz keçilməsinin önlənməsi və onun lazımı texniki qurğularla təchizatı üçün vacibdir", deyib Poznyak.
Onun sözlərinə görə, 2015-ci ildə sərhədin qanunsuz keçilməsi cəhdləri xeyli artıb.
“Keçən il biz 144 nəfəri saxlamışdıq, bu il isə onların sayı 500-ə yaxınlaşıb. Yəni söhbət üç dəfə artımdan gedir. Bunlar əsasən sərhədi qrup şəklində keçən vyetnamlılardır”, deyib xanım Poznyak.

Tags:  Rusiya-Latviya sərhədinin üçdə biri hasarlanacaq

RƏYLƏR


Top news