“Yeşilçam” ulduzu Hülya Koçiyit 68 yaşını qeyd edib.
Axşam.az “Hürriyet”ə istinadən xəbər verir ki, aktrisanı gecədə həyat yoldaşı Səlim Soydan, qızı Gülşah Alkoçlar, nəvələri Aslışah və Neslişah, aktyor Engin Altın Düzyatan (Neslişahın əri – red.) tək qoymayıblar. Restorandan çıxarkən jurnalistlərlə söhbət edən Hülya Koçiyit səbirsizliklə nəticəsinin dünyaya gəlişini gözlədiklərini deyib:
“Ailəmiz böyüyür. Çox xoşbəxtəm. Adının Cem olmasını istəyirəm, ancaq hələ bəlli deyil”.
Qeyd edək ki, Enginlə Neslişahın oğlu dünyaya gələcək. Hülya nəticəsinə yumor ustası Cem Yılmazın adının verilməsini istədiyini demişdi.