Türkiyədən idxal edilən avtomobil detallarının Rusiya gömrük məntəqəsindən keçirilməsinə icazə verilib.
ANS PRESS-in məlumatına görə, bir müddət əvvəl siyasi səbəblərə görə Sankt-Peterburqda istehsal olunan "Toyota" markasının detallarının Türkiyədən alınmasına qadağa qoyulmuşdu.
Bundan sonra istehsalda yaranan durğunluq şirkətə zərər verdiyinə görə, Türkiyədən detalların idxalına icazə verilib. Bu haqda Sankt-Peterburq Sənaye Siyasətlər Komitəsinin rəhbəri Maksim Meik açıqlama verib.
Onun sözlərinə görə, Sankt-Peterburqda fəaliyyət göstərən Toyota firması üçün 11, Bosch-Siemens firması üçün isə 2 konteyner gömrükdən keçib, digər konteynerlər isə gömrük yoxlama mərkəzindədir..
Meik keçən həftə Türkiyədən idxal edilən detalların gömrük yoxlama mərkəzində gözlədildiyinə görə, Sankt-Peterburqdakı avtomobil istehsalının dayana biləcəyini qeyd edib.