Xəzər İbrahim: Əsas məqsədimiz milli maraqlarımızı qorumaqla NATO-dan maksimum yararlanmaqdır (MÜSAHİBƏ)(FOTO)

Xəzər İbrahim: Əsas məqsədimiz milli maraqlarımızı qorumaqla NATO-dan maksimum yararlanmaqdır (MÜSAHİBƏ)(FOTO)
11:13 15 Dekabr 2015
21 Ölkə
Ölkə mətbuatı
A- A+

Brüssel-Trend:

Xəbər verdiyimiz kimi, Brüsseldə səfərdə olan Azərbaycanın bir qrup jurnalisti NATO-nun Mənzil Qərargahında olub, Azərbaycanın NATO yanında Nümayəndəliyinin rəhbəri Xəzər İbrahimlə görüşüblər. Jurnalistləri nümayəndəliyin işi ilə yaxından tanış edən X.İbrahim daha sonra 8 jurnalistin suallarına cavab verib. Trend-in əməkdaşının da iştirak etdiyi həmin müsahibəni təqdim edirik:

- Xəzər müəllim, Azərbaycanın NATO yanında Nümayəndəliyinin fəaliyyəti ilə bağlı məlumat verməyinizi xahiş edirik.

- Mən öz növbəmdə sizə Brüsselə qədər gəlib bizim işimizlə yaxından maraqlandığınız üçün təşəkkürümü bildirirəm. Əvvəlcə onu qeyd edim ki, hazırda bizim nümayəndəlikdə mən də daxil olmaqla 11 əməkdaş çalışır. Bu əməkdaşlarımızın hamısı XİN tərəfindən keçirilən imtahanı fərqlənmə ilə keçən şəxslərdir. Tam səmimi deyə bilərəm ki, əməkdaşlarımızın hər biri öz sahəsinin peşəkarıdır. Onlardan 2-si hərbiçidir. Biri palkovnik rütbəsi daşıyır və hərbi nümayəndəmiz kimi çalışır. Bu əməkdaşlarımız Müdafiə Nazirliyi tərəfindən təyin edilmiş və ixtisasca da hərbiçi olan kadrlardır. Nümayəndəliyin qalan əməkdaşları isə XİN tərəfindən təyinatla çalışırlar.

- Azərbaycanın NATO ilə əməkdaşlığı hansı səviyyədədir və bu əməkdaşlığın inkişafı üçün hansı işlər görülür?

- Bizim NATO-da fəaliyyətimizin ən əsas məqsədi bu beynəlxalq təşkilatdan maksimum səviyyədə bütün istiqamətlərdə bəhrələnməkdir. Bunu ürək rahatlığı ilə deyə bilərəm ki, hazırda bizim NATO ilə çox sıx əməkdaşlığımız var. Təsadüfi deyil ki, NATO-nun baş katibi ən son bəyanatında Azərbaycanın adını ən yaxın tərəfdaş ölkə kimi çəkib və bu əlaqələrin hazırda bir çox ölkələrə örnək olmalı olduğunu dilə gətirib. Bilirsiniz ki, cənab prezidentin NATO-ya müntəzəm səfərləri olur. NATO ilə əlaqələrin daha da gücləndirilməsi istiqamətində, ölkə başçısının göstərişləri var və bu göstərişlərin hamısı yerinə yetirilir. Xarici işlər naziri Elmar Məmmədyarovun bu yaxınlarda NATO-ya səfəri baş tutdu və yəqin ki, Müdafiə Naziri Zakir Həsənovun da səfəri yaxın aylarda gerçəkləşəcək. Yəni, bu gün Azərbaycanla NATO arasında hərbi, hərbi-siyasi əməkdaşlıq çox yaxşı səviyyədə gedir. Bizim ən əsas məqsədimiz isə milli maraqlarımızı qorumaqla NATO-dan maksimum səviyyədə ordumuzun inkişafı, ordu quruculuğu və digər sahələrdən yararlanmaqdır.

- NATO ilə daha çox hansı istiqamətlərdə yaxından əməkdaşlıq edirik?

- İlk növbədə onu deyim ki, biz NATO ilə müdaifə sahəsində yaxın tərəfdaşıq. Bizim ən ümdə məsələmiz bu sahədə zabitlərimizin NATO təcrübələrinə maksimum səviyyədə yararlanmasını təmin etməkdir. Bunun üçün bizə NATO-nun təlimlərində və əməliyyatlarında aktiv şəkildə iştirak etməyimiz lazımdır. Bilirsiz ki, bu istiqamətdə Azərbaycan hərbiçilərinin 1999 – 2008-ci ilə qədər NATO-nun hərbi birləşmələri ilə Kosovada hərbi təlimlərdə iştirakı təmin edilib. Bizim sülhməramlılarımız 2002-ci ildən NATO əsgərləri ilə bir yerdə Əfqanıstanda xidmət edirlər. Və yeganə ölkəyik ki, hələ bu günə kimi heç bir itki verməmişik. İkincisi, biz daha çox NATO-nun hərbi-dəniz, hava qüvvələri və digər bir çox sahələrində keçirilən hərbi təlimlərində iştirak edirik. Bu da bizim üçün çox böyük imkanlar yaradır. Onu da deyim ki, NATO-nun təlimlərdən öncə tələblərindən biri də hərbiçilərin ən azı bəsit məlumatlara sahib olmalarıdır. Məsələn, hərbiçilərimizin ən azından dil bilgiləri olmalıdır və ya bizim kommunikasiyamızla onlarınkı arasındakı fərqi bilməlidirlər. Bunun üçün də kiçik kurslar təşkil edirlər. Yəqin ki, siz müxtəlif dövürlərdə silahlı qüvvələrimizin üzvlərinin vaxtaşırı xaricdə kurslarda iştirak etmələri ilə bağlı məlumatlarla rastlaşmısınız. Biz bu məsələylə bağlı hər il kursların siyahsını hazırlayır və bizə lazım olan kursları qeyd edib oraya hərbiçilərimizi göndəririk.

- Xəzər müəllim, NATO tərəfdaşlıq istiqamətində bizə nə təklif edir?

- NATO zabitlərimizlə bağlı çox yaxşı təkliflər irəli sürür. Məsələn, onlar zabitlərimizin bütün xərclərini qarşılamaq şərti ilə bu quruma göndərməyimizi təklif edirlər. Orada onlar NATO tərəfindən verilən vəzifələri icra etməyə başlayacaqlar. Bu çox yaxşı bir təcrübədir. Təsəvvür edin ki, Azərbaycan zabiti 2 il ərzində hasısa bir NATO zabiti ilə bir yerdə oturur və onunla birlikdə təcrübə mübadiləsi aparır. Mən sizə bir məlumat da verim ki, bizim bir zabitimiz NATO-nun tarixində yeganə tərəfdaş zabit kimi təşkilatın ən yüksək medalı ilə təltif edilib. Və bu şəxs hazırda Müdafiə Nazirliyində planlaşdırma işi ilə məşğuldur. Bundan başqa, hazırda bizim 2 zabitimiz NATO-da planlaşdırma sahəsində çalışırlar.

- Qeyd etdiyiniz kimi, bizim zabitimiz NATO tarixində ən yüksək medalla təltif edilib. Maraqlıdır, o hansı özəllikləri ilə belə bir nüfuzlu medalla mükafatlandırlıb?

- Bu onun NATO standartlarına uyğun fəaliyyəti və digər NATO əməkdaşlarına öz gördüyü planlaşdırma işində köməklik göstərməsinə görədir. Deməli, zabitimizin səlist işi, nizam-intizamı NATO zabitləri tərəfindən dəyərləndirilib və bu yüksək medal ona verilib.

- Xəzər müəllim, tez-tez həm mətbuat səhifələrində, həm də diplomatlarımızın dilindən “NATO standartları” deyimini eşidirik. Ümumiyyətlə, NATO standartları dedikdə nə başa düşülür?

- NATO standarları o qədər də qəliz olmayan, amma bir o qədər də vacib olan bir sistemdir. Bu standartları öyrənmək üçün mütləq NATO-nun tələblərinə uyğun təlimlərdə iştirak edib ekspert kimi fəaliyyət göstərməlisən. Bundan sonra hansısa NATO standarları ilə bağlı fikir söyləyə bilərsən. Bizim hazırda 2 zabitimiz bu standartları yaxından öyrənməklə məşğuldurlar.

- Azərbaycan NATO yanında Nümayəndəliyinin özünüzdən öncəki fəaliyyəti ilə də tanışsınız. Sizcə, Azərbaycan – NATO münasibətlərinin səviyyəsi sizdən öncəki tarixdəmi, yoxsa bu gündaha yüksəkdədir?

- Bizim NATO ilə əməkdaşlığımızın bu günü hər zaman dünənkindən yüksəkdə durub. Siz əgər bu sualı 2020-ci ildə də versəniz, yenə də o zamanın günü dünənkindən yüksəkdə duracaq. Və mən əminəm ki, məndən sonrakı nümayəndəlik rəhbərinin dövründə də bu münasibətlər yüksələn xətlə inkişaf edəcək. Çünki biz bu təşkilatla o qədər yüksək praktik tərəfdaşlığa imza atmışıq ki, onun azalması mümkün deyil.

- Bir ara mətbuatda bizim NATO ilə əməkdaşlığımızın ikinci plana keçməsi ilə bağlı müxtəlif məlumatlar yayımlanmışdı. Xüsusən də Müdafiə Naziriliyində son illər baş verən dəyişiklikdən sonra. Sizin fikrinizi bilmək maraqlı olardı?

- İnanın ki, Azərbaycanın NATO ilə münasibəti dünənkindən daha sürətlə və dinamik inkişaf etməkdədir. Belə bir şey yoxdur. Biz bəzi dövlətlər kimi NATO ilə əməkdaşlığı, əməkdaşlıq xətrinə etmirik. Və ya hansısa fərziyəvi məqsədlər üçün əməkdaşlıq etmirik. Bizim maraqlarımız oratadadır. Bizə buradan hansı təcrübə lazımdırsa onu alırıq və alacağıq da. Əgər 90-cı ildə Azərbaycan NATO-dan faydalanırdısa bu gün bu münasibət qarşılıqlı səviyyəyə keçib. Artıq biz özümüz də NATO-ya töhvə verə bilirik.

- Xəzər müəllim, bu binada Ermənistan nümayəndəliyi də yerləşir. Bizim üçün bunu bilmək maraqlı olardı. NATO bizimləmi, yoxsa Ermənistanlamı əməkdaşlığa daha çox maraqlıdır? Hər halda sizdə buna aid təhlillər və araşdırmalar var.

- Onu deyim ki, NATO əməkdaşlıq etdiyi ölkələrin hərbi hazırlıq imkanlarını bir müddət sonra dəyərləndirməyə başlayır. NATO-nun yanaşması ölkələrin standartlara uyğunluğu ilə yanaşı, onların əməkdaşlıqda göstərdikləri səylərdən asılır. Məsələn, əgər bir ölkə əməkdaşlığı az öncə qeyd etdiyim kimi əməkdaşlıq xətrinə edirsə mütləq NATO-nun hesabatlarında bu öz əksini bir formada tapacaq. Tam səmimi deyirəm ki, NATO-nun bizə verdiyi məlumatda bizim silahlı qüvvələrin çox yüksək səviyyədə olduğu qeyd edilir. Və əlbətdəki bu bütün hesabatlarda xüsusi olaraq qeyd edilir. Bizim hazırlıq səviyyəmiz digər ölkələrdən qat-qat yüksəkdir və bu proses artan xətt üzrə inkişaf edir. Və tam səmimi deyə bilərəm ki, bizimlə Ermənistan arasında bizim xeyrimizə olan çox böyük fərq var.

- Azərbaycanla NATO-nun əməkdaşlığı 1994-cü ildən davam edir. Maraqlıdır, NATO-ya üzv ölkələrlə tərəfdaşlıq edən ölkələr arasında təlim kurslarının səviyyəsi eynidirmi?

- Bəli, burada heç bir fərq yoxdur. Hər kəsə bərabər kurslar təqdim edilir. Məsələn, biz 1997-ci ildə Cənubi Qafqazda hərbi planlaşdırma sahəsində NATO-nun təlimlərinə qoşulan ilk ölkə olmuşuq. Təbii ki, qeyd etdiyim kimi öz milli maraqlarımızı əsas götürərək bizə lazım olan sahələrdə təlimlədə iştirak edirik.

- Hazırda neçə zabitimiz NATO-nun təlimlərində iştirak edir?

- İldə hərbi sahədə 200-ə yaxın hərbiçimiz hərbi təlimlərdə iştirak edir. Onlar 28 müxtəlif ölkədə NATO-nun tapşırıqlarını yerinə yetirirlər. Onlardan 2-si burada - NATO-nun binasında, 2 zabitimiz NATO-nun baş Avropa Komandanlığında, 1 zabitimiz ABŞ-da, 1 zabitimiz Hollandiyada və digər bir zabitimiz də Neapolda çalışır. Demək olar ki, hər yerdə bizim zabitlərimiz var.

- NATO rəsmiləri ilə görüşümüzdə bildirildi ki, bizim moto-atıcılarımız NATO-da keçirilən təlimlərin birində yüksək nəticə göstərib.

- Bəli, bu doğrudur. Bizdə buna aid məlumatlar çoxdur. Amma bu barədə çox məlumat verə bilmərik. Çünki ən ağıllı, proqmatik yanaşma iş bitəndən sonra məlumat verməkdir...

Qeyd edək ki, jurnalistlərin Brüsselə səfəri “Azərsun” şirkətinin dəstəyi ilə baş tutub.

Bizi Twitter-dən izləyin: @trend_az

RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

Avropa Liqası: “Qəbələ”dən minimalhesablı məğlubiyyət

28 İyul 2017 00:44

Kürdəxanıda arvad ərini bıçaqladı

28 İyul 2017 00:29

Qüdsdə toqquşmalar: 50 yaralı

28 İyul 2017 00:28

Dondurmadan zəhərlənmə

28 İyul 2017 00:24

Astroloji proqnoz - 28 iyul

28 İyul 2017 00:08

Yarıçılpaq ulduz: "Vücudunuzdan utanmayın" - FOTO

28 İyul 2017 00:05

"Porşe" 22 min avtomobili geri çağırır

28 İyul 2017 00:05

Günün qoroskopu: maliyyə itkiləri mümkündür

28 İyul 2017 00:05

Bakıda “Yelena” ləqəbli kişi 6 min manat oğurladı

27 İyul 2017 23:57

Moskvalılara zooparkda evlənməyə icazə verildi

27 İyul 2017 23:57

Hamiləlik zamanı baş verən infeksion xəstəliklər

27 İyul 2017 23:57

Ağciyər arteriyası qapağının çatışmazlığı

27 İyul 2017 23:52

Vladimir Putinin də içdiyi çay - 17 MÖCÜZƏVİ FAYDA

27 İyul 2017 23:47

Kafir üçün xeyir duası etmək olarmı?

27 İyul 2017 23:47

Kimsə xoşuna gəlirsə, onu ürəyində gizlətmə, söylə

27 İyul 2017 23:47

Bakıda arvad ərini bıçaqlayıb

27 İyul 2017 23:47

Rusiya İran üçün nəzərdə tutduğu silahları Azərbaycana verib

27 İyul 2017 23:47

Dünyanın ən bahalı məktəbi

27 İyul 2017 23:47

Özünü kirayə qaldığı evdə asdı

27 İyul 2017 23:37

Kamran Ağayevin komandası Avroliqada qələbə qazandı

27 İyul 2017 23:37

Tovuz sakini sirkə turşusundan zəhərləndi

27 İyul 2017 23:33

Tər qoxusundan qurtulmağın təbii yolları

27 İyul 2017 23:32

Məşhur model qaçarkən "hədəf" oldu - FOTO

27 İyul 2017 23:32

Jurnalistlər çəkməsin deyə dənizə girmədi

27 İyul 2017 23:32

İstanbula dolu düşdü

27 İyul 2017 23:23

Antibiotik istifadəsində yenilik - daha yaxşı təsir edir

27 İyul 2017 23:22

Bir stəkan nanə çayı görün nələrə qadirdi?

27 İyul 2017 23:22

Çox yeməyin hansı ziyanı var?

27 İyul 2017 23:22

Prokurordan “tualet tikməyə pulum yoxdu” deyən vətəndaşa: "ARVADINI SAT" - VİDEO

27 İyul 2017 23:17

"ATV xəbər"-in əməkdaşı çətin vəziyyətə düşüb

27 İyul 2017 23:17

71 məhkum səhvən sərbəst buraxıldı

27 İyul 2017 23:15

Dəniz Çakır "Eşkiya dünyaya hükümdar olmaz”dan ayrılır?

27 İyul 2017 23:12

Müğənnilərin toy qiymətləri – YENİ SİYAHI

27 İyul 2017 23:12

Dənizdə uzun müddət üzsəniz...

27 İyul 2017 23:12

Azərbaycan neftinin SON QİYMƏTİ

27 İyul 2017 23:12

Türkiyə millisinə namizəd baş məşqçilər - SİYAHI

27 İyul 2017 23:07

Qalmaqallı model yeni fotolarını paylaşdı - FOTO

27 İyul 2017 23:05

ABŞ-da daha bir istefa

27 İyul 2017 23:03

Azərbaycanda gənc oğlan spirtli içkidən komaya düşüb

27 İyul 2017 23:02

Doğuşdan sonra artıq çəkidən necə xilas olmalı?

27 İyul 2017 22:57

Wikileaks dünyanı sarsıdacaq sənədlər açıqladı

27 İyul 2017 22:52

Ağciyərləriniz sağlamdırmı? - Gəlin yoxlayaq

27 İyul 2017 22:52

İlanla oynadı, xəstəxanalıq oldu

27 İyul 2017 22:49

Azərbaycan HHQ üçün 10 təyyarə aldı

27 İyul 2017 22:48

Angelina Coli və Bred Pit nə üçün ayrılıb?

27 İyul 2017 22:45

“Jara-2017” musiqi festivalı “Bakıya qaçaq” mahnısı ilə açılıb - FOTO

27 İyul 2017 22:42

Ərəb ölkələri terrorçular siyahısını genişləndiriblər

27 İyul 2017 22:42

Allah Təala niyə bəzən mömin bəndəsini gecə ibadətindən məhrum edir?

27 İyul 2017 22:42

Qüdsdə yenidən ara qarışdı: 50 yaralı

27 İyul 2017 22:39

İstanbula şiddətli dolu düşüb - FOTO

27 İyul 2017 22:37