KANAL S (REGİON TV) xəbər verir ki, Balakəndə ər-arvad dəm qazından zəhərləniblər. Hadisə dünən axşam saat 21 radələrində baş verib. Rayonun Mahmalar kənd sakinləri - 1966-cı il təvəllüdlü Taşov Vahid Əsildar oğlu və onun həyat yoldaşı, 1972-ci il təvəllüdlü Taşova Maya Qədisəddin qızı zəhərlənmə əlamətləri ilə Mərkəzi Rayon Xəstəxanasına daxil olublar. Həkim müayinəsi və araşdırması zamanı məlum olub ki, ər-arvad yaşadıqları evin həyətyanı sahəsində tikilmiş hamamda dəm qazından zəhərləniblər. Xəstəxananın reanimasiya şöbəsinə yerləşdirilən ər-arvadın vəziyyətinin orta-stabil olduğu bildirilir. Faktla bağlı araşdırma aparılır.
Milli.Az