Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

"E-hökumət" portalı "FİNCA international"ın Azərbaycandakı nümayəndəliyi ilə birgə layihəyə başlayıb

"E-hökumət" portalı "FİNCA international"ın Azərbaycandakı nümayəndəliyi ilə birgə layihəyə başlayıb

Date: 15 December 2015 12:23


Bakı, 15 dekabr, AZƏRTAC
"Elektron hökumət" portalı "FİNCA international" beynəlxalq təşkilatının Azərbaycandakı nümayəndəliyi ilə birgə layihəyə başlayıb.
Portalın operatoru olan Məlumat Hesablama Mərkəzində həmin təşkilatla keçirilmiş toplantıda vətəndaşın ödəmə qabiliyyətinin kağız üzərində sənəd tələbi olmadan müəyyənləşdirilməsi üçün portalın imkanları müzakirə edilib. Eyni zamanda, "Finca Azərbaijan"ın müştərilərinin faydalanması üçün qanunvericiliklə müəyyən olunmuş qaydalar və layihənin həyata keçirilməsi üçün texniki məsələlərdən danışılıb.
Mərkəzdən AZƏRTAC-a bildirilib ki, "e-hökumət" xidmət məkanı olmaqla yanaşı ən geniş fərdi identifikasiya sistemidir. Bu gün vətəndaş portal vasitəsilə özünə aid 11 növ məlumatı rahatlıqla bir neçə saniyədə formalaşdırıb tələb olunan müəssisəyə elektron və kağız şəklində göndərmək imkanına malikdir.
Hazırda elektron arayışlardan daha çox maliyyə-kredit sahəsində istifadə edilir. Belə ki, bu gün 20-dən artıq bank və kredit təşkilatı "e-hökumət” portalının imkanlarından istifadə edərək vətəndaşlardan fərdi məlumatları üzrə kağız daşıyıcıda sənəd tələbini ləğv edib.

Tags:  E-hökumət portalı FİNCA internationalın Azərbaycandakı nümayəndəliyi birgə layihəyə başlayıb


RƏYLƏR


Top news