Aktual mövzular: Dollar alış-satışı , Hava haqqında, Məzənnə, Neftin qiyməti

“Günəşli”dəki yanğının Xəzərin ekologiyasına mənfi təsiri yoxdur" - AMEA

“Günəşli”dəki yanğının Xəzərin ekologiyasına mənfi təsiri yoxdur" - AMEA

Date: 15 December 2015 13:39

 

 “SOCAR-ın “Günəşli” yatağının 10-cu dərin dəniz özülündə baş verən yanğının Xəzər dənizinin ekoloji vəziyyətinə hər hansı bir mənfi təsiri yoxdur. Çünki orada neft-qaz kondensatı yanır ki, nəticədə dənizə çirklənmə daxil olmur”.

 

Bunu APA-ya AMEA-nın Coğrafiya İnstitutunun direktoru, akademik Ramiz Məmmədov deyib. Akademikin sözlərinə görə, özüldə baş verən yanğın söndürülərsə, fontan baş verə bilər ki, bu da Xəzər dənizin ekologiyasına hər hansı bir mənfi təsir göstərə bilər: “Ancaq bu halın qarşısını almaq üçün hazırda orada ehtiyat gəmilər var. Həmin gəmilər mümkün neft dağılmalarının və yayılmasının qarşısını almaq məqsədi ilə xüsusi bonları su səthinə düzüb”.

 

Qeyd edək ki, SOCAR-ın yaydığı məlumata görə, dekabrın 8-də “Günəşli” yatağı və onun ətrafının peyk çəkilişləri aparılıb və yataq ətrafında neft ləkələri müşahidə olunmayıb.

 

Onu da qeyd edək ki, dekabrın 4-də baş vermiş qəzada 7 nəfər həlak olub, 23 nəfər itkin düşüb.


Tags:  Günəşlidəki yanğının Xəzərin ekologiyasına mənfi təsiri yoxdur AMEA

RƏYLƏR


Top news