Manila, 15 dekabr, AZƏRTAC
Dekabrın 14-də Filippinə çatan “Melor” qasırğası üç nəfərin ölümünə səbəb olub, milyonlarla insan elektrik enerjisiz qalıb.
Həlak olanlardan biri havanın kəskin soyuması nəticəsində, digər iki nəfər isə ölkənin şimal-şərqində yerləşən Samar əyalətində boğularaq ölüblər.
Yerli hakimiyyət orqanlarının məlumatına görə, 1,2 milyon əhalinin yaşadığı Albay əyaləti bütünlüklə elektrik enerjisiz qalıb.
Xatırladaq ki, dekabrın 14-də yüksək səviyyəli qasırğa xəbərdarlığı edən Filippin hakimiyyət orqanları “Melor” qasırğası yaxınlaşdığına görə sahildə yerləşən Albay və Sorsoqon əyalətlərindən 725 min sakini təxliyyə edib.
Vüqar Ağayev
AZƏRTAC-ın xüsusi müxbiri
Manila