Türkiyə Rusiyadan qaz alışını artırır.
ANS PRESS-in məlumatına görə, 2015-ci ilin 4-cü rübündə Türkiyənin Rusiyadan aldığı qazın miqdarı illik 1 milyard kub metr artacaq.
“Ukrtransqaz”dan verilən məıumata görə, 2015-ci ilin 9 dekabrından “Orlovka” stansiyasından ötürülən qazın həcmi rekord həddə çataraq sutkada 68 milyon kub metr olub.
Əgər qazın bu həcmdə nəqli il sonuna qədər qorunub saxlanılarsa, 2015-ci ilin 4-cü rübündə, “Qazprom” Türkiyəyə 7.5 milyard kub metr qaz nəql edəcək.
Hesablamalara görə, ötən ilin 4-cü rübündə Türkiyəyə olan qaz nəqli 6.59 milyard kub metr olub.
2015-ci ilin 1-ci rübündə Rusiya qazının Türkiyəyə ixracı 1%, 2 rübündə, 15%, 3 rübündə isə 6% aşağı düşüb.
Rusiya öz qazının Türkiyəyə ixracını artıracağı təqdirdə, ilin 4-cü rübündə qazın həcmi artaraq 27 milyard kub metr ola bilər.