Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Azərbaycan multikulturalizmi fənninin monitorinqi davam edir

Azərbaycan multikulturalizmi fənninin monitorinqi davam edir

Date: 15 December 2015 16:09

Bakı Beynəlxalq Multikulturalizm Mərkəzi ( BBMM)  tərəfindən Azərbaycan multikulturalizmi fənninin universitetlərdə aktuallığını və onun uğurlu layihə kimi davamlılığını təmin etmək və fənni tədris edən müəllimlərin fərdi öhdəliklərinin yoxlanılması məqsədilə monitorinqlər davam etdirilir.

 

BBMM-nin mətbuat xidmətindən Lent.az-a verilən məlumata görə, bu dəfə Azərbaycan Texniki Universitetinin Fəlsəfə və Politologiya kafedrasının müdiri Əyyub Kərimov Lənkaran Dövlət universitetində və Azərbaycan Tibb Universitetinin Azərbaycan multikulturalizmi fənninin monitorinqi aparıb. Əyyub Kərimov Lənkaran Dövlət Universitetində fənnin tədris edildiyi 150 tələbəyə “Multikulturalizm, fərqli modellər, növlər, siyasətlər” mövzusunda mühazirə oxuyub.

 

Ə.Kərimov eyni zamanda Azərbaycan Tibb Universitetinin İctimai Elmlər kafedrasının müəllimi Fəridə Qəniyevanın “Multikulturalizmə giriş” fənnni üzrə “Azərbaycan Respublikasında multikulturalizm siyasəti və ölkənin sosial-iqtisadi inkişafı”(rus bölməsində) mövzusunda məşğələ dərsinin monitorinqini aparıb.

 

Azərbaycan Dövlət Dəniz Akademiyasında monitorinqi Bakı Slavyan Universitetinin Multikulturalizm kafedrasının müəllimi Cavid Əsədov və BBMM-nin əməkdaşı Aydan Nusal aparıb. Monitorinq zamanı Humanitar fənlər və dillər kafedrasının baş müəllimi Ağarza Fətəliyev “Dünyada multikulturalizm, multikulturalizm siyasəti, dünya ölkələrinin multikulturalim modelləri” mövzusunda mühazirə oxunub. Sonra “Humanitar elmlər və dillər” kafedrasının müdiri İlqar Abdullayev tələbələrə Azərbaycanın multikulturalizm siyasəti barədə məlumat verib.

 

Multikulturalizm Mərkəzinin əməkdaşı Aydan Nusal BBMM-nin ölkə daxilində və xaricdə həyata keçirdiyi layihələr barədə məlumat verib. Mərkəzin gələn ilin fevral ayında keçirməyi planladığı Beynəxalq Qış Məktəbi barədə məlumat tələbələrdə böyük maraq oyadıb. BSU-nun Multikulturalizm kafedrasının müəllimi Cavid Əsədov fənnin seminarları zamanı mövzuların necə müzakirə edidiyini və sorğu əsasında tələbələrin fənn üzrə bilik səviyyələrini yoxlayıb.

Bundan başqa, Azərbaycan Texniki Universitetində Multikulturalizm Mərkəzinin əməkdaşları Rəşad İlyasov və Aytən Məmmədova aparıb. Monitorinq zamanı Azərbaycan Multikulturalizmi fənnini tədris edən Əlipaşa Əliyev “Azərbaycan Respublikasının multikulturalizm siyasəti və ölkənin xarici siyasəti” mövzusunda mühazirə oxuyub. 

 

Qeyd edək ki, Azərbaycan multikulturalizmi fənnini 11 xarici və 19 yerli universitetdə tədris edilir.

 






Tags:  Azərbaycan multikulturalizmi fənninin monitorinqi davam edir

RƏYLƏR


Top news