Bakı, 15 dekabr, AZƏRTAC
Türkiyənin Diyarbakır vilayətində PKK terror qruplaşmasının polis avtomaşınını partlatması nəticəsində iki nəfər həlak olub, dörd nəfər isə xəsarət alıb.
AZƏRTAC Anadolu Agentliyinə istinadla xəbər verir ki, hadisə Diyarbakır-Silvan magistralında xüsusi təyinatlıları daşıyan zirehli avtomaşın hərəkətdə olarkən PKK terror qruplaşmasının üzvləri tərəfindən əvvəlcədən gizlədilmiş bombanın işə salınması nəticəsində baş verib.
Hazırda təhlükəsizlik qüvvələri terrorçuların yaxalanması üçün genişmiqyaslı əməliyyat həyata keçirir.