Bakı, 15 dekabr, AZƏRTAC
Cari ilin 11 ayı ərzində Vergilər Nazirliyi tərəfindən dövlət büdcəsinə 6,5 milyard manat daxil olub. Bununla da proqnoz tapşırıqları tam icra edilib.
AZƏRTAC xəbər verir ki, bu barədə vergilər nazirinin 1-ci müavini Natiq Əmirov Vergi Məcəlləsinə edilmiş dəyişikliklərlə bağlı keçirilmiş mətbuat konfransında deyib.
O, qeyd edib ki, hesabat dövründə daxilolmalarda qeyri-neft sektorunun payı 70 faiz, neft sektorunun payı isə 30 faiz olub.
N.Əmirov vurğulayıb ki, bu göstəricilər Azərbaycanın qeyri–neft sahəsinin inkişafı və ondan dövlət büdcəsinə daxil olan vergilərin ilbəil artdığının bariz nümunəsidir.