Aktual mövzular: Dollar alış-satışı , Hava haqqında, Məzənnə, Neftin qiyməti

“İş dünyası üçün bacarıqlar” layihəsinin təqdimatı olub

“İş dünyası üçün bacarıqlar” layihəsinin təqdimatı olub

Date: 15 December 2015 19:43


Bakı, 15 dekabr, AZƏRTAC
Dekabrın 15-də “İş dünyası üçün bacarıqlar” layihəsinin təqdimatı keçirilib.
Layihə Təhsil Nazirliyi, “British Council” və “Azercell Telekom” MMC-nin birgə təşkilatçılığı ilə ilk peşə-ixtisas təhsili sahəsində həyata keçirilir.
Təhsil Nazirliyindən AZƏRTAC-a bildiriblər ki, layihənin məqsədi ölkədə ilk peşə-ixtisas təhsili və təliminin inkişafına töhfə vermək, məşğulluq imkanlarının genişləndirilməsi, iş təcrübəsi proqramının təşkil edilməsidir.
Layihənin təqdimat mərasimində Təhsil Nazirliyi, “British Council”, “Azercell” və pilot ilk peşə-ixtisas təhsili müəssisələrinin nümayəndələri iştirak ediblər.
Layihə üzrə ilk təlim 5 nömrəli Bakı Peşə Liseyində keçirilir. Təlimdə Bakıda yerləşən müxtəlif ilk peşə-ixtisas təhsili müəssisələrində informasiya-kommunikasiya texnologiyaları (İKT) və telekommunikasiya üzrə tədris aparan 36 müəllim iştirak edir. İştirakçılar təlim boyu ilk peşə-ixtisas təhsili üzrə effektiv təlim modelləri, metodikalar, sinif mühitinin idarə edilməsi mövzuları üzrə bilik və bacarıqlar əldə edə biləcəklər. Dərslər Böyük Britaniyadan dəvət olunmuş mütəxəssis tərəfindən dekabrın 17-dək davam edəcək.
Təlimlərin şagirdlər üçün nəzərdə tutulmuş hissəsini Azərbaycan Gənclərinin Nailiyyəti Təşkilatı icra edəcək. Bu məqsədlə təşkilat tərəfindən 500 nəfərdən çox İKT və telekommunikasiya peşə istiqaməti üzrə təhsil alan şagirdin bacarıqları yoxlanılıb,120 şagirdə təlimdə iştirak şansı verilib. Layihə müddətində həmin şagirdlər karyera və iş imkanlarının axtarılması üzrə bacarıqlara yiyələnəcək, telekommunikasiya və İKT sahəsində istehsalat təcrübəsi keçəcəklər. Şagirdlər üçün təlimlər 2016-ci ilin yanvar ayından başlanacaq.

Tags:  dünyası bacarıqlar layihəsinin təqdimatı olub


RƏYLƏR


Top news