Los Ancelesdə partlayış təhlükəsi ilə əlaqədar 1000-dən çox məktəb bağlanıb.
Milli.Az APA-ya istinadən bildirir ki, bu barədə ABC telekanalı məlumat yayıb.
Məlumata görə, bağlanılan təhsil müəssisələrində 640 minədək şagird təhsil alır. Polis əməkdaşları məktəblərin hamısında axtarış keçirmək niyyətindədirlər.
"Reuters"in məlumatına görə, partlayış təhdidi Almaniyaya məxsus elektron ünvandan (e-mail Frankfurtda qeydə alınıb) gəlib.
Partlayış təhdidi Regional Şuranın üzvünə ünvanlanıb, məlumatın mənbəyi artıq müəyyən edilib.
Milli.Az
