​"İnter" Azərbaycan çempionatının ikinci pilləsinə yüksəlib

23:42 15 Dekabr 2015
22 İdman
Ölkə mətbuatı
A- A+

"Report"un məlumatına görə, günün yeganə oyununda "Rəvan" və "İnter" komandaları qarşılaşıb.
"Bayıl Arena"da keçirilən matçı Rauf Cabbarov idarə edib. Komandalar bugünədək 9 dəfə üz-üzə gəlib və bütün görüşlərdə qələbəyə "bankirlər" seviniblər. Ardıcıl 3 oyun qələbəyə həsrət qalan "İnter" 2 qələbə və 3 heç-heçədən ibarət 5 oyunluq məğlubiyyətsizlik seriyasına malik "Rəvan"ı bu dəfə də yenməyi bacarıb. Hər iki qol ikinci hissədə standart vəziyyətlərdən vurulub. Əvvəlcə gürcü legioner Zurab Xizanişvili fərqlənib. Son dəqiqələrdə isə Limam Seydi topu tora göndərərək, Premyer Liqada ilk qolu vurub.
Bu nəticədən sonra "İnter" 27 xalla 2-ci pilləyə yüksəlib. 11 xala malik "Rəvan" isə sonuncu pillədə qalıb.
"Rəvan" – "İnter" - 0:2
Qol: Zurab Xizanişvili, 51. Limam Seydi, 86
Bakı. "Bayıl Arena"
Qeyd edək ki, turun digər oyunları 16-17 dekabrda keçiriləcək.

Xəbərin orijinal ünvanı: http://report.az/futbol/i-nter-azerbaycan-cempionatinin-ikinci-pillesine-yukselib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR