Aktual mövzular: Dollar alış-satışı , Hava haqqında, Məzənnə, Neftin qiyməti

Nardaran yenidən qurulur (VİDEO)

Nardaran yenidən qurulur (VİDEO)

Date: 15 December 2015 23:51

Nardaranda yol infrastruktur yenidən qurulur.

ANS TV-nin məlumatına görə, Abşeron küçəsinin uzunluğu 2220 metr, orta hesabla eni 8 metrdir. Təmir-tikinti işləri çərçivəsində yolun genişləndirilərək 18 metrə çatdırılması nəzərdə tutulub. Hazırda bu məqsədlə söküntü işlər aparılır.

Söküntü aparılan hissələrdə yeni hasar tikilir, yol yatağı bərkidilir, kommunikasiya xətləri yolun hərəkət hissəsindən kənara çıxarılır.

Layihəyə uyğun olaraq nəqliyyat vasitələrinin rahat və maneəsiz hərəkətini təmin etmək məqsədilə Abşeron küçəsi hər biri 3,5 metr enində olmaqla 4 hərəkət zolağından ibarət olacaq.

Piyadaların da rahatlığı nəzərə alınacaq və hər iki istiqamət üzrə yolun kənarlarında səkilər tikiləcək. Təxminən 40 min kvadrat metr sahəyə yeni asfalt-beton örtüyü döşənəcək, işıqlandırma sistemləri qurulacaq.

Anoloji işlərin qəsəbənin Nəsrulla Əsgərov küçəsində də aparılması nəzərdə tutulub. Bu küçənin uzunluğu isə 780 metr, ortalama eni 6 metrdir.

Nəsrulla Əsgərov küçəsinin də genişləndirilərək 14 metrə çatdırılması planlaşdırılır.

Layihəyə uyğun olaraq küçə hər biri 3,0 metr enində olmaqla 4 hərəkət zolağından ibarət olacaq və yolun kənarlarında səkilər tikiləcək. 11 min kvadrat metr sahəyə yeni asfalt-beton örtüyü döşənəcək, işıqlandırma sistemləri qurulacaq.


Tags:  Nardaran yenidən qurulur VİDEO


RƏYLƏR


Top news