Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

“Şah və mat” layihəsinin ilk turu keçirilib

“Şah və mat” layihəsinin ilk turu keçirilib

Date: 16 December 2015 04:23


Bakı, 16 dekabr, AZƏRTAC
Azərbaycan Respublikasının Prezidenti yanında Gənclər Fondunun (AZGF) maliyyə, Sumqayıt Şəhər Gənclər və İdman Baş İdarəsinin təşkilati dəstəyi ilə bu şəhərdə “Şah və mat” layihəsinin ilk turu keçirilib.
AZƏRTAC xəbər verir ki, layihənin məqsədi şahmata marağın artırılması və 2016-cı ildə Dünya Şahmat Olimpiadasının Azərbaycanda keçirilməsi haqqında gənclərin maarifləndirməsidir.
Bununla əlaqədar keçirilən tədbirdə layihə rəhbəri Anar Qasımov yarışın xalqımızın ümummilli lideri Heydər Əliyevin anım gününə həsr olunduğunu qeyd edib və ölkəmizdə uğurla həyata keçirilən dövlət gənclər siyasətindən, yeniyetmə və gənclərə göstərilən diqqət və qayğıdan danışıb.
Olimpiya sistemi üzrə 34 iştirakçı arasında keçirilən və 4 saata yaxın davam edən gərgin mübarizədən sonra Sərxanlı Orxan I, Musayev Saleh II, Alişanov Süleyman isə III-yerə layiq görülüblər.
Sonda qaliblərə sertifikat və hədiyyələr təqdim olunub.



Tags:  Şah mat layihəsinin ilk turu keçirilib


RƏYLƏR


Top news