Aktrisa Pelin Karahan ana olduğu üçün ilyarım fasilə verdiyi çəkiliş meydançalarına "Yeter" adlı serialla dönüb.
Axşam.az-ın Türkiyə mətbuatına istinadən məlumatına görə, yanvarda ATV telekanalında başlayacaq ekran işinin çəkilişləri davam edir.
Aktrisa çəkiliş zamanı başına gələn çətinlikləri "Cosmopolitan" jurnalına danışıb:
"Uşaq həyatı dəyişdirir. Çəkilişlər yaxınlıqda olanda oğlumu da yanımda aparıram. Dünənki səhnələrdə balaca uşaqlar da var idi. Darıxmışdım. Oturub ağladım. O gün 13-14 saat işləmişdik, oğlumu heç görməmişdim. Uşaq üçün darıxanda hətta balaca pişik görsən, adamı ağlamaq tutur".
Qeyd edək ki, serialın artıq yeni videoları da yayılıb.