Aktual mövzular: Dollar alış-satışı , Hava haqqında, Məzənnə, Neftin qiyməti

Bir əsr yaşı olan kollec yandı

Bir əsr yaşı olan kollec yandı

Date: 16 December 2015 10:47

KANAL S (REGİON TV) xəbər verir ki, bu gün səhər saatlarında Zaqatala Dövlət İdarəetmə və Texnologiya Kollecinin inzibati binasında yanğın olub. Alov tikilinin birinci, ikinci mərtəbələrini, eləcə də dam örtüyünü əhatə edib.

Zaqatala şəhəri, Nizami küçəsində yerləşən Dövlət İdarəetmə və Texnologiya Kollecinin inzibati binalarının birində, ikimərtəbəli korpusda yanğın baş verib. Hadisə yerinə dərhal FNH-in Zaqatala YMH-nin texnika və canlı qüvvəsi cəlb edilib. Yanğınsöndürənlərin səyi nəticəsində qısa müddət ərzində alov məhdudlaşdırılıb. Ümumi sahəsi 1000 kvadratmetr olan 13 otaqdan ibarət binanın birinci mərtəbəsində 15, ikinci mərtəbəsində 25, çardaq hissəsində isə 50 kv.m sahənin yanar konstruksiyaları yanıb. Faktla bağlı Zaqatala YMH-də araşdırma aparılır. Qeyd edək ki, Zaqatala Dövlət İdarəetmə və Texnologiya Kolleci 2002-ci ildə Zaqatala Kənd Təsərrüfatı Texnikumunun bazasında yaradılıb. Yanğının baş verdiyi bina ötən əsrin əvvəllərində tikilib. 

Milli.Az


Tags:  əsr yaşı olan kollec yandı

RƏYLƏR


Top news