Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Sumqayıtda müəllimlərin diaqnostik qiymətləndirilməsinə başlanılıb

Sumqayıtda müəllimlərin diaqnostik qiymətləndirilməsinə başlanılıb

Date: 16 December 2015 10:49

Bu gün Sumqayıt şəhərində Abşeron və Qubadlı rayonlarının, Sumqayıt şəhərinin ümumi təhsil müəssisələrində çalışan müəllimlərin bilik və bacarıqlarının diaqnostik qiymətləndirilməsinə başlanılıb.

Təhsil Nazirliyinin mətbuat xidmətindən Lent.az-a verilən məlumata görə, imtahanlar Sumqayıt Olimpiya İdman Kompleksində keçirilir. İmtahanda 9000-ə yaxın müəllimin iştirak edəcəyi gözlənilir.

Qeyd edək ki, Sumqayıt şəhərində 16-20 dekabr tarixlərində keçirilən diaqnostik qiymətləndirmədə Təhsil Nazirliyi sisteminə daxil olan ümumi təhsil müəssisələrində əsas iş yeri kimi əmək müqaviləsi əsasında işləyən müəllimlər, müəllim-defektoloqlar və gənclərin çağırışaqədərki hazırlıq rəhbərləri iştirak edəcəklər.

İmtahanlar bitdikdən dərhal sonra diaqnostik qiymətləndirilmənin nəticələri açıqlanacaq. Müəllimlər Təhsil Nazirliyinin müəllimlərin bilik və bacarıqlarının diaqnostik qiymətləndirilməsi ilə əlaqədar yaradılmış rəsmi saytından (www.dq.edu.az) şəxsi səhifələrinə daxil olaraq, nəticələri ilə tanış ola bilirlər.

 


Tags:  Sumqayıtda müəllimlərin diaqnostik qiymətləndirilməsinə başlanılıb

RƏYLƏR


Top news