Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycan atletində dopinq tapıldı: İdmançımız ömürlük cəza ilə üz-üzə

Azərbaycan atletində dopinq tapıldı: İdmançımız ömürlük cəza ilə üz-üzə

Date: 16 December 2015 11:09

ABŞ-ın Hyuston şəhərində ağırlıqqaldırma üzrə keçirilən dünya çempionatında dopinq testdə “ilişən” idmançıların siyahısı açıqlanıb. Apasport.az saytının məlumatına görə, analizi müsbət cavab verən 4 atletdən biri Azərbaycan yığmasının üzvüdü.

 

Belə ki, apreldə 2 illik diskvalifikasiya müddəti başa çatan milliləşdirilən legioner Silviya Angelovanın orqanizmində yenidən istifadəsi qadağan olunan dərman preparatı aşkar olunub. Bolqarıstan əsilli, 33 yaşlı atletin A testi müsbət nəticələndiyindən B testindən keçmək məcburiyyətindədi. Əgər bu sübuta yetirilərsə, 48 kq çəki dərəcəsində yığmamızın şərəfini qoruyan Silviya ömürlük cəzalandırıla bilər.

 

Qeyd edək ki, noyabrın 20-28-də ABŞ-da keçirilən mundialda Angelova cəmi 5 rəqibini qabaqlayaraq, 34-cü olmuşdu və komandamızın aktivinə xal yazdıra bilməmişdi.

 

Həmçinin, Avro-2012-də bürünc və Avro-2013-də gümüş medal qazanan idmançının qanında turinabol tapıldığından nəticələri ləğv edilmişdi. Məhz həmin vaxt o 2 illik cəzalanmışdı.


Tags:  Azərbaycan atletində dopinq tapıldı İdmançımız ömürlük cəza üz-üzə

RƏYLƏR


Top news