Bakı, 16 dekabr, AZƏRTAC
Dövlət Dəmir Yolu Liseyində Dini Qurumlarla İş üzrə Dövlət Komitəsinin (DQİDK) Dinşünaslıq ekspertizası şöbəsi ilə birlikdə “Azərbaycançılıq ideologiyası və milli-mənəvi dəyərlərimiz” mövzusunda konfrans keçirilib.
Dini işlər üzrə Dövlət Komitəsinin Dinşünaslıq ekspertizası şöbəsinin müdir müavini Cahandar Əlifzadə, Nərimanov Rayon Ağsaqqallar Şurasının eləcə də Rayon Gənclər və İdman İdarəsinin nümayəndələri ölkədə həyata keçirilən mənəvi-ideoloji işi mühüm tərkib hissəsi kimi dini maarifçiliyin səviyyəsinin yüksəldilməsi zərurətinə toxunub, son vaxtlar Nardaranda baş verən müsbət yeniləşmədən bəhs ediblər. Sonra konfrans disputla başa çatıb.
Mühəndis-pedaqoji heyətin iştirakı ilə keçirilən tədbiri liseyin direktoru Həsən Bayramov yekunlaşdırıb.