Aktual mövzular: Dollar alış-satışı , Hava haqqında, Məzənnə, Neftin qiyməti

Maşallah Əhmədovun oğlu: "Atamı şərləyiblər, qardaş"

Maşallah Əhmədovun oğlu: "Atamı şərləyiblər, qardaş"

Date: 16 December 2015 12:52

"Atamın saxlanılması ilə bağlı proseslərdən xəbərim var. Hər şey heç də yazıldığı kimi deyil".

Milli.Az apasport.az-a istinadən xəbər verir ki, bunu veteran futbolçu Maşallah Əhmədovun oğlu Tərlan Əhmədov deyib.

Azərbaycanın tanınmış futbolçularından olan Maşallah Əhmədov Binəqədi polisi tərəfindən saxlanılıb. Bakı şəhər sakini Fəqan Cəfərov 2012-ci ildə polisə ərizə ilə müraciət edərək, ona məxsus, Binəqədi-Baksol yolunda yerləşən sexdən Əhmədovun 72 min manat dəyərində üzlük plitə götürdüyünü və pulunu ödəmədiyini bildirib. Polisə daxil olan həmin şikayət əsasında cinayət işi başlanıb. Lakin həmin cinayət işinin başlamasından 3 il keçməsinə baxmayaraq, Əhmədov pulu ödəməyib.
 
Bu il dekabrın 14-də isə Binəqədi polisinə onunla bağlı daha bir şikayət daxil olub. Bakı şəhər sakini Yusif Əzizov şikayət ərizəsində Maşallah Əhmədovun ondan 105 min manat dəyərində mərmər daşı götürdüyünü, pulunu ödəmədiyini qeyd edib. Əhmədov həmçinin Əzizovdan oğlunu işə düzəltmək adı ilə 15 min manat alıb və vədinə əməl etməyib.

Məsələ ilə bağlı qısa danışan veteran futbolçunun oğlu Tərlan Əhmədov isə ittihamları qəbul etmir. O bildirib ki, atası ilə bağlı iddialar əsassızdır: "Atamı şərləyiblər, qardaş. İstintaqın gedişini gözləyirik. Hazırda başım bu işlərə qarışıb. İstintaq başa çatdıqdan sonra daha ətraflı danışmaq olar".

Milli.Az


Tags:  Maşallah Əhmədovun oğlu Atamı şərləyiblər qardaş



RƏYLƏR


Top news