BDU-nun SABAH qruplarının tələbələri elmi-tədqiqat işlərinə cəlb ediləcək

BDU-nun SABAH qruplarının tələbələri elmi-tədqiqat işlərinə cəlb ediləcək
13:13 16 Dekabr 2015
14 Digər
Ölkə mətbuatı
A- A+


Bakı, 16 dekabr, AZƏRTAC
Bakı Dövlət Universitetinin (BDU) rektoru, akademik Abel Məhərrəmov bu ali məktəbin SABAH qruplarında təhsil alan tələbələrlə görüşüb.
BDU-dan AZƏRTAC-a bildiriblər ki, 13 ixtisas üzrə təhsil alan 425 tələbənin iştirak etdiyi tədbirdə rektor Abel Məhərrəmov ölkədə elmin və təhsilin inkişafına göstərilən dövlət dəstəyindən danışıb. O, Təhsil Nazirliyinin qayğısı ilə yaranan SABAH qruplarının böyük perspektivlər vəd etdiyini qeyd edib.
Rektor SABAH qrupları tələbələrinin elmi-tədqiqat işlərinə cəlb edilməsi ilə bağlı imzaladığı sərəncam haqqında da məlumat verib. Deyib ki, sərəncamda SABAH qruplarında təhsil alan tələbələrdə elmi, yaradıcılıq və tədqiqatçılıq vərdişlərinin aşılanması, onların müasir elmi metodologiyalar və elmi ədəbiyyatla işləmək qaydaları ilə tanış edilməsi, elmi tədqiqatlarda real iştirakının təmin edilməsi, habelə innovasiya fəaliyyətinə cəlb edilməsi məqsədilə hər bir tələbəyə elmi rəhbər kimi bir müəllim və ya elmi işçinin təhkim edilməsi öz əksini tapıb. Rektorun sözlərinə görə, tələbələrin ölkədaxili və beynəlxalq elmi seminar, konfrans, olimpiada və müsabiqələrdə, o cümlədən qrant layihələrində iştiraklarını təmin etmək məsələlərinə də geniş yer verilib.
Sonra Təhsil Nazirliyinin SABAH qrupları İcra Komitəsinin sədri Şahin Seyidzadə çıxış edərək tələbələrin suallarını cavablandırıb.





Xəbərin orijinal ünvanı: http://azertag.az/xeber/BDU_nun_SABAH_qruplarinin_telebeleri_elmi_tedqiqat_islerine_celb_edilecek-911648

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR