[ 30 Dekabr 2014 12:19 ]
Bakı. Şəhriyar Əlizadə, Gülnar Bəşirova - APA. Azərbaycan prezidentinin dünən imzaladığı əfv sərəncamının şamil edildiyi daha iki nəfər, “Nida” Vətəndaş Hərəkatı İdarə Heyətinin üzvləri Zaur Qurbanlı və Üzeyir Məmmədli azadlığa buraxılıblar.
APA-nın məlumatına görə, Bakı İstintaq Təcridxanasında keçirilən icra prosesində Ədliyyə Nazirliyi Penitensiar Xidmətinin rəis müavini Hüseyn Əlixanov da iştirak edib.
Əfv sərəncamı 16 saylı Cəzaçəkmə Müəssisəsində də icra edilib. Buradan sərəncamın şamil edildiyi 3 məhkum azadlığa buraxılıb. Onlardan biri hicablıların aksiyasında tutulan Nahid Qəhrəmanovdur.
