Azərbaycan avtomobil benzininin istehsalını artırıb

Azərbaycan avtomobil benzininin istehsalını artırıb
13:52 16 Dekabr 2015
Ölkə mətbuatı
A- A+

Bakı. 16 dekabr. REPORT.AZ/ Bu ilin yanvar-noyabr ayları ərzində Azərbaycanda neft məhsullarının istehsal həcmi 2 253,1 mln. manat təşkil edib. "Report" Dövlət Statistika Komitəsinə istinadən xəbər verir ki, bu məbləğ əvvəlki ilin yanvar-noyabr ayları ilə müqayisədə 3% az olub.
Hesabat dövründə 1 124,5 min ton avtomobil benzini istehsal olunub ki, bu da ötən ilin müvafiq dövründən 1,6% çoxdur.
Bu ilin yanvar-noyabr ayları ərzində istehsal olunan yanacaq mazutunun həcmi isə 305,3 min ton təşkil edib. Bu məhsulun isthsalı ötən ilin müvafiq dövründən 54% artıq olub.
Həmçinin, 184,9 min ton neft-kimya sənayesində istifadə üçün benzin, 633,9 min ton ağ neft, 2 611,4 min ton dizel yanacağı, 24,9 min ton sürtgü yağları, 159,2 min ton neft bitumu istehsal olunub.
Neft məhsullarından neft-kimya sənayesində istifadə üçün benzinin istehsalı 4%, ağ neftin istehsalı 2,3%, dizel yanacağının istehsalı 1,9%, sürtgü yağlarının istehsalı 51,2%, neft bitumunun istehsalı 30% azalıb.

Xəbərin orijinal ünvanı: http://report.az/energetika/azerbaycan-avtomobil-benzininin-istehsalini-artirib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR