Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Avropa Komissiyasının prezidenti: "Şengen saxlanılacaq"

Avropa Komissiyasının prezidenti: "Şengen saxlanılacaq"

Date: 16 December 2015 13:57

Bakı. 16 dekabr. REPORT.AZ/ "Biz Şengen zonasına aid hər şeyi qorumaq istəyirik. Odur ki, Şengen saxlanılacaq". "Report" xəbər verir ki, bunu Avropa Komissiyasının prezidenti Jan-Klod Yunker Avropa Parlamentinin Strasburqda keçirilən plenar iclasındakı çıxışında deyib.
O, qeyd edib ki, Şengen zonasını saxlamaq və Avropa İttifaqı ölkələri daxilində insanların hərəkət azadlığını təmin etmək üçün bu ölkələrin xarici sərhədlərinin qorunması gücləndirilməlidir. Eyni zamanda, üzv ölkələr xarici sərhədlərinin qorunmasında müstəqilliklərini saxlayacaq.
Xatırladaq ki, Avropa Komissiyası Avropa İttifaqının xarici sərhədlərinə sistemli nəzarət və sahil təhlükəsizlik xidməti yaratmaq üzrə lazımi təkliflər hazırlayıb. Avropa Parlamenti də plenar sessiya çərçivəsində bu təklifləri müzakirə edəcək.

Tags:  Avropa Komissiyasının prezidenti Şengen saxlanılacaq

RƏYLƏR


Top news