Aktual mövzular: Dollar alış-satışı , Hava haqqında, Məzənnə, Neftin qiyməti

“Koordinasion birləşmələr kimyası” mövzusunda VI Respublika elmi konfransı (FOTO)

“Koordinasion birləşmələr kimyası” mövzusunda VI Respublika elmi konfransı (FOTO)

Date: 16 December 2015 14:48

Bakı. Trend:

Bu gün Bakı Dövlət Universitetində (BDU) Analitik kimya kafedrasının 80 illik yubileyinə həsr olunmuş “Koordinasion birləşmələr kimyası” adlı VI Respublika elmi konfransının plenar iclası keçirilib.

BDU-nin Mətbuat və ictimaiyyətlə əlaqələr şöbəsindən Trend-ə verilən məlumata görə, konfransı giriş sözü ilə açan rektor, akademik Abel Məhərrəmov kimya fakültəsinin tarixi və fəaliyyətindən, fakültənin kimya elminin inkişafındakı rolundan danışıb.

Qeyd edib ki, Azərbaycanda kimya sahəsi milli elmi istiqamətlər içərisində ən qədimidir və Bakı Dövlət Universitetinin kimya sahəsində gördüyü işlər diqqətəlayiqdir. Akademik Abel Məhərrəmov onu da bildirib ki, hazırda ölkəmizdə kimya elmi çox dinamik və sürətlə inkişaf edir və bugünkü konfrans həmin sahəyə göstərilən diqqət və qayğının nəticəsidir.

Universitetin tarixini əks etdirən filmin nümayişindən sonra Analitik kimya kafedrasının müdiri, professor Famil Çıraqovun məruzəsi dinlənilib. Alim kafedranın əldə etdiyi elmi nailiyyətlərdən, araşdırmalardan, elmi əlaqələrindən bəhs edib. Akademik Adil Qəribov, AMEA-nın müxbir üzvləri - Mustafa Salahov və Məhəmməd Babanlı, Analitik kimya kafedrasının professorları - Nailə Verdizadə və Cəbrayıl Mirzəyev çıxış edib, xatirələrini bölüşüblər.

Kimya elminin inkişafında universitetin xidmətlərini qeyd edən natiqlər son dövrlər fakültənin elmi-texniki bazasının möhkəmləndirilməsindən, laboratoriyaların müasir avadanlıqlarla təchiz edilməsindən, gənc alim və mütəxəssislərin elmi tədqiqatlarının aparılması istiqamətində görülən işlərdən bəhs ediblər.

Bizi Twitter-dən izləyin: @trend_az


Tags:  Koordinasion birləşmələr kimyası mövzusunda VI Respublika elmi konfransı FOTO

RƏYLƏR


Top news