Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Nazirdən rektorlara tapşırıq: qərərgah yaradılsın

Nazirdən rektorlara tapşırıq: qərərgah yaradılsın

Date: 16 December 2015 15:37

Azərbaycanın təhsil naziri Mikayıl Cabbarov imtahan sessiyasının təşkili və keçirilməsi ilə bağlı rektorlara tapşırıq verib.

Nazirlikdən Trend-ə verilən məlumata görə, M.Cabbarov ali təhsil müəssisələrində 2015-2016-cı tədris ilinin payız semestrinin imtahan sessiyasını (bundan sonra imtahan sessiyası) mövcud qaydalara uyğun təşkil etmək, tələbələrin biliyinin qiymətləndirilməsində şəffaflığı və obyektivliyi təmin etmək məqsədilə əmr verib.

Əmrə əsasən, rektorlar imtahan sessiyasının mövcud normativ sənədlər əsasında təşkil olunmasını, rəhbərlik etdikləri ali təhsil müəssisələrində imtahan qərargahı yaratsınlar və qərargaha daxil olan hər bir şikayətin qısa müddətdə operativ şəkildə araşdırılmasını təmin etməli, imtahanların təşkilində və gedişində nöqsanlara, neqativ hallara yol vermiş şəxslər barədə mövcud qanunvericiliyə uyğun tədbirlər görməlidirlər.

Əmrdə bildirilib ki, rektorlar rəhbərlik etdikləri ali təhsil müəssisəsində baş verə biləcək hər bir neqativ hala görə məsuliyyət daşıyırlar.

Nazirliyin müvafiq şöbələri ali təhsil müəssisələrində imtahan sessiyasının monitorinqini təşkil etməlidirlər.

Milli.Az


Tags:  Nazirdən rektorlara tapşırıq qərərgah yaradılsın


RƏYLƏR


Top news