Aktual mövzular: Dollar alış-satışı , Hava haqqında, Məzənnə, Neftin qiyməti

SOCAR-ın “Star” neft emalı zavodu layihəsi “İlin ən yaxşısı” seçilib

Star oil refinery to be commissioned in April 2018 (28 November 2016 20:46)

Date: 16 December 2015 16:03


Bakı, 16 dekabr, AZƏRTAC 
Dünyanın məşhur “Hydrocarbon Processing” jurnalı Azərbaycan Respublikası Dövlət Neft Şirkətinin (SOCAR) Türkiyədə həyata keçirdiyi “Star” neft emalı zavodu layihəsini ilin ən yaxşı layihəsi elan edib.
SOCAR-ın mətbuat xidmətindən AZƏRTAC-a bildirilib ki, bu barədə dərc olunan məqalədə jurnalın hər il oxucu rəyləri əsasında ən yaxşı layihələrini müəyyən etdiyi qeyd edilir. Hazırda inşası davam etdirilən ən mühüm neft emalı və neft kimyası layihələri 5 fərqli qitədə həyata keçirilir və 44 milyard dollardan çox ümumi layihə dəyərinə sahib bu müəssisələr ümumilikdə sutkada 1,5 milyon bareldən çox xammal emal etmək gücünə malikdir. “Hydrocarbon Processing” jurnalının oxucuları iki ay müddətində 2015-ci ilin ən yaxşı neft emalı və neft kimyası layihələri arasında seçim aparıb, səsvermə nəticəsində SOCAR-ın Türkiyədəki “Star” neft emalı zavodu “İlin ən yaxşısı” nominasiyası üzrə qalib adına layiq görülüb.
Qeyd olunur ki, Türkiyənin Petkim yarımadasında reallaşdırılan “Star” neft emalı zavodu layihəsi bu yarımada üçün müəyyənləşdirilmiş Value-Site 2023 konsepsiyasına uyğun həyata keçirilir. “Star” layihəsi Türkiyənin ilk neft-kimya sənaye parkını yaratmağa dəstək olacaq. İllik 10 milyon ton neft emal gücünə malik layihənin başlıca məqsədlərindən biri Petkim neft-kimya kompleksini nafta xammalı ilə təmin etməkdir. Bu əlavə xammal Türkiyənin idxaldan asılılığının nəzarət altına alınmasında, eyni zamanda daxili bazarın “Avro-5” standartına uyğun nəqliyyat yanacaqları ilə təmin edilməsində mühüm önəm daşıyır. Neft emalı zavodu “Ural”, “AzəriLayt” və Kərkük nefti də daxil olmaqla, müxtəlif tipli xam neftləri emal edə biləcək. “Star” layihəsi maliyyələşmə proyektinə görə Qlobal Maliyyələşdirmə Konfransının (Global Financial Conference) “İlin ən yaxşı layihə maliyyələşdirməsi”, Project Finance International jurnalının “Neft emalı zavoduna dair ilin maliyyələşdirmə müqaviləsi” mükafatlarına və bir sıra başqa mükafatlara layiq görülüb. “Star” neft emalı zavodunun 2018-ci ilin birinci rübündə tamamlanması nəzərdə tutulur. Zavod istismara verildikdən sonra 1984-cü ildən bəri Türkiyədə tikilən ilk neft emalı müəssisəsi olan “Star” - ölkənin neft emalı, neft kimyası, enerji-logistika-distribusiya zəncirinin mühüm bir həlqəsini tamamlayacaq.
Jurnal digər nominasiya üzrə Kanadanın Sturgeon bölgəsində yerləşən “North West Redwater Partnership’s Sturgeon” bitum neft emalı zavodunu qalib elan edib. Bu, təxminən son 30 il ərzində Kanadada inşa edilmiş ilk neft emalı zavodu layihəsidir.

Tags:  SOCAR-ın Star neft emalı zavodu layihəsi İlin yaxşısı seçilib



RƏYLƏR


Top news