Türkiyə limanlarında Rusiyanın 27 gəmisi saxlanıb.
Milli.Az Habertürk-ə istinadən bildirir ki, bu, Türkiyənin 8 gəmisinin Rusiya limanlarında saxlanmasına cavab olaraq atılan addımdır.
Rusiya gəmilərinin hansı limanlarda olduqları açıqlanmır.
Türkiyənin gəmiləri Rusiyada saxlanandan sonra rəsmi Ankara təcili addımlar atmayıb, problemin yaxın vaxtlarda həllini tapacağına ümid edib. Lakin gəmilərin qeydiyyatı ilə bağlı bürokratik süründürməçilik bir həftədən çox çəkəndə Türkiyənin limanlarındakı Rusiya gəmilərinin saxlanmasına qərar verilib.
Hazırda Türkiyə və Rusiyanın müvafiq dövlət qurumları problemi elektron poçtla yazışmalar vasitəsilə çözməyə çalışırlar.
Danışıqların harada və nə zaman olacağı da məlum deyil.
Milli.Az
