Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Bakıda 7 yaşlı oğlanın itkin düşməsi ilə əlaqədar cinayət işi açıldı

Bakıda 7 yaşlı oğlanın itkin düşməsi ilə əlaqədar cinayət işi açıldı

Date: 16 December 2015 17:18

Bakı. Trend:

Paytaxtda azyaşlının itkin düşməsi ilə əlaqədar cinayət işi açılıb.

Bakı şəhər prokurorluğundan Trend-ə verilən məlumata görə, dekabrın 14-də Goranboy rayonu, Balakürd kəndində qeydiyyatda olmaqla Bakı şəhəri, Yasamal rayonunda kirayədə yaşayan Əsgərova Rahilə Kitay qızı Daxili İşlər Nazirliyinin “102” məlumat xidmətinə zəng vuraraq oğlu, 2008-ci il təvəllüdlü Əsgərov Ceyhun Mobil oğlunun həmin gün saat 14 radələrində internet salona getmək adı ilə evdən çıxıb bir daha geri qayıtmaması barədə məlumat verib.

Aparılmış əməliyyat-axtarış tədbirləri nəticəsində azyaşlının yerini müəyyən etmək mümkün olmayıb.

C.Əsgərovun olduğu yerin müəyyən edilməməsi, azyaşlı olması və digər xüsusatlarla onun qətlə yetirilməsinə şübhələr olduğundan dekabrın 16-da Yasamal rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Hazırda iş üzrə zəruri istintaq və əməliyyat-axtarış tədbirləri davam etdirilir.

Bizi Twitter-dən izləyin: @trend_az


Tags:  Bakıda yaşlı oğlanın itkin düşməsi əlaqədar cinayət işi açıldı

RƏYLƏR


Top news