Bakı, 16 dekabr, AZƏRTAC
Dekabrın 18-19-da Tofiq İsmayılov adına uşaq-gənclər yaradıcılıq sarayının təsviri sənət qalereyasında “Açıq qapı” günləri keçiriləcək.
Qalereyadan AZƏRTAC-a bildirilib ki, mədəniyyət ocağının 7 sərgi salonunda uşaq və gənclərin rəsm və rəngkarlıq əsərləri nümayiş etdiriləcək.
Sərgidə qalereyanın dərnək üzvləri müxtəlif mövzularda ustad dərslər keçirəcəklər. Təsviri sənətə marağı olan hər kəs sərgidə iştirak edə bilər.
