Aktual mövzular: Dollar alış-satışı , Hava haqqında, Məzənnə, Neftin qiyməti

On bir ayda istehlakçılara 22,4 milyard manatlıq məhsul satılıb

Date: 17 December 2015 00:28


Bakı, 17 dekabr, AZƏRTAC
Bu ilin yanvar-noyabr aylarında istehlakçılara 22,4 milyard manatlıq və ya 2014-cü ilin müvafiq dövrü ilə müqayisədə 11,1 faiz çox məhsul satılıb.
Dövlət Statistika Komitəsindən AZƏRTAC-a bildiriblər ki, ərzaq məhsulları, içkilər və tütün məmulatları üzrə satışın həcmi 9,6 faiz artaraq 11185,2 milyon manata, qeyri-ərzaq məhsulları üzrə isə 13,5 faiz artaraq 11249,4 milyon manata bərabər olub. On bir ayda elektron pərakəndə ticarət dövriyyəsinin həcmi əvvəlki ilin eyni dövrünə nisbətən 2 dəfə artaraq 11,5 milyon manat təşkil edib. Elektron ticarət vasitəsi ilə əhalinin sifariş verdiyi istehlak məhsullarının 91,6 faizi hüquqi şəxslərdən, 8,4 faizi isə fərdi sahibkarlardan alınıb. Elektron ticarət dövriyyəsinin 96,2 faizi qeyri-ərzaq məhsullarının payına düşüb.
Bu müddətdə iaşə xidmətlərinin həcmi əvvəlki ilin eyni dövrü ilə müqayisədə 13,8 faiz artaraq 950,7 milyon manat olub. Hüquqi şəxslər üzrə iaşə xidmətlərinin həcmi 416,2 milyon manat, bu sahədə fəaliyyət göstərən fərdi sahibkarlar üzrə isə 534,5 milyon manat təşkil edib.

Tags:  ayda istehlakçılara 22 milyard manatlıq məhsul satılıb


RƏYLƏR


Top news