Bu gün Milli Məclisin iclasında parlamentin sədrinə özünəməxsus təbrik ünvanlanıb. Lent.az-ın məlumatına görə, deputat Eldar İbrahimov söz alaraq spiker Oqtay Əsədovu “Şərəf” ordeni ilə təltif olunması münasibəti ilə təbrik edib.
O. Əsədovun 10 ildir parlamentə spikerlik etdiyini xatırladan İbrahimov onun fəaliyyətini yüksək qiymətləndirərək deyib: “Amma biz bununla kifayətlənmirik Oqtay müəllim. Biz arzu edirik, niyyət edirik ki siz 80 yaşınızda da bu vəzifədə olasınız və biz sizi o yaşda da bu vəzifədə təbrik edək”.
