Aktual mövzular: Dollar alış-satışı , Hava haqqında, Məzənnə, Neftin qiyməti

Sankt-Peterburqda azərbaycanlı ailəyə qarşı qanunazidd hərəkətlər etmiş polislər barəsində cinayət işi başlayıb

Sankt-Peterburqda azərbaycanlı ailəyə qarşı qanunazidd hərəkətlər etmiş polislər barəsində cinayət işi başlayıb

Date: 17 December 2015 12:08

Bakı. Trend:

Sankt-Peterburqda İ.Rəcəbəliyevaya və onun ailə üzvlərinə qarşı qanunazidd hərəkətlərə yol vermiş polis əməkdaşları barəsində cinayət işi başlanmışdır.

Bu barədə Baş Prokurorluğun Mətbuat xidmətindən Trend-ə verilən məlumatda bildirilir.

Xəbər verildiyi kimi, Azərbaycan Respublikasının Baş Prokurorluğu tərəfindən 2015-ci ilin iyulunda Sankt-Peterburq şəhərində sahibkarlıq fəaliyyəti ilə məşğul olan İradə Rəcəbəliyevaya və onun yetkinlik yaşına çatmayan övladlarına qarşı zorakılıq hərəkətlərinə yol vermiş polis əməkdaşları barəsində qanunamüvafiq tədbirlər görülməsi ilə əlaqədar Rusiya Federasiyasının Baş Prokurorluğuna müraciət edilmişdir.

Müraciət əsasında Rusiya Federasiyasının İstintaq Komitəsi müvafiq araşdırmalar aparmaqla həmin ölkənin Cinayət Məcəlləsinin 286-cı (vəzifə səlahiyyətlərini aşma) maddəsi ilə cinayət işi başlamışdır.

Cinayət işinin istintaqı Rusiya Baş Prokurorluğunun nəzarətinə götürülməklə polis əməkdaşalrı tərəfindən İ.Rəcəbəliyevaya qarşı yol verilmiş qanunazidd hərəkətlərin araşdırılması istiqamətində müvafiq istintaq tədbirləri davam etdirilir.

Bizi Twitter-dən izləyin: @trend_az


Tags:  Sankt-Peterburqda azərbaycanlı ailəyə qarşı qanunazidd hərəkətlər etmiş polislər barəsində cinayət işi başlayıb

RƏYLƏR


Top news