Aktual mövzular: Dollar alış-satışı , Hava haqqında, Məzənnə, Neftin qiyməti

"İnter"ə tətbiq olunan cəza və cərimələr

"İnter"ə tətbiq olunan cəza və cərimələr

Date: 17 December 2015 12:37

2015-16-cı il mövsümündə Azərbaycanı Avropa kuboklarında təmsil etmiş klublar UEFA-nın Klubların Lisenziyalaşdırılması və Maliyyə "Fair Play" qaydalarına əsasən monitorinqdən keçirilib.
 
Milli.Az goal.az-a istinadən xəbər verir ki, monitorinq UEFA-nın Klublara Maliyyə Nəzarəti Orqanı (Club Financial Control Body) tərəfindən aparılan araşdırma nəticəsində müəyyən edilib ki, Bakının "İnter" klubu yuxarıda qeyd olunmuş qaydaların 66 və 66 bis saylı maddələrinin tələblərini yerinə yetirməyib və klubun əməkdaşlara vaxtı ötmüş borcları mövcuddur. UEFA-nın Klublara Maliyyə Nəzarəti Orqanı dekabrın 10-da keçirilmiş iclasında "İnter"lə bağlı aşağıdakı qərarları qəbul edib:
 
1. "İnter" növbəti 3 mövsüm ərzində (2016/17, 2017/18 və 2018/19) əldə etmiş idman nəticələrinə görə UEFA-nın klub yarışlarında iştirak etmək hüququ qazanarsa, 1 mövsüm ərzində bu hüquqdan məhrum olunur. Əgər klub 31 yanvar 2016-cı il tarixinədək yaranmış borcların ödənilməsini təsdiq edən sənədləri UEFA-ya təqdim edərsə, bu cəza qüvvədən düşür.
 
2. "İnter" 50,000 avro məbləğində cərimə olunur.
 
3. "İnter" bu işin aparılmasına sərf olunmuş 3,000 avro məbləğində vəsaiti ödəməlidir.
 
4. Qeyd olunmuş cərimə və xərclər qərar kluba göndərildikdən sonra 30 gün ərzində ödənməlidir.
 
5. Klub qərarla razı olmadığı halda, İdman Arbitraj Məhkəməsinə (CAS) apellyasiya şikayəti ilə müraciət edə bilər.
 
Məxfiliyin qorunması məqsədi ilə klubun borclu olduğu futbolçuların və borcun ümumi məbləği açıqlanmır.

Milli.Az


Tags:  İnterə tətbiq olunan cəza cərimələr

RƏYLƏR


Top news