Aktual mövzular: Dollar alış-satışı , Hava haqqında, Məzənnə, Neftin qiyməti

"İnter"dən ardıcıl 10-cu qələbə

"İnter"dən ardıcıl 10-cu qələbə

Date: 17 December 2015 12:52

“İnter” “Rəvan”la Azərbaycan çempionatında keçirdiyi 10-cu qarşılaşmada da qalib gəlib. Fanat.az PFL-in saytına istinadən xəbər verir ki, Topaz Premyer Liqasının XVII turunun səfər matçında 2:0 hesablı qələbə qazanan Zaur Svanadzenin baş məşqçisi olduğu komanda əvvəlki 9 görüşdə də rəqibinə xal verməyib. 


Bu 10 qarşılaşmada “İnter” 24, “Rəvan” 5 qol vurub. Paytaxt derbisindəki bu göstərici eyni rəqiblə keçirdiyi bütün matçlarda qələbə qazanmaq sayında mütləq rekorddu. Ən azı 10 dəfə qarşılaşan bütün digər cütlərdə hər iki komanda xal qazanıb.


Eyni rəqiblə matçlardakı qələbə seriyalarına gəlincə, daha 7 cütdə eyni komanda 10 və daha çox qarşılaşmada rəqibinə xal verməyib. Amma həmin uğursuz klub ölkə çempionatlarında nə vaxtsa rəqibindən xal almağı bacarıb. Seriyalarda mütləq rekord da “İnter”ə məxsusdu. Bakılılar “Turan”ı ardıcıl 16 dəfə məğlub edib. “Neftçi” Qusar “Şahdağ”ını 13, “Qarabağ” MOİK-i 12 oyun xala həsrət qoyub. “Neftçi” “Kür-Nur”u 11, “Kəpəz” “ANS-Pivani”ni, “Turan” iki komandanı Bərdə “Pambıqçı”sını və Qusar “Şahdağ”ını ardıcıl 10 görüşdə məğlub edib.


Fanat.az


Tags:  İnterdən ardıcıl 10-cu qələbə

RƏYLƏR


Top news