Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

YAP: ABŞ BMT deyil ki...

YAP: ABŞ BMT deyil ki...

Date: 17 December 2015 14:57

"ABŞ konqresmenlərinin Azərbaycana qarşı sanksiyaların tətbiq edilməsinə dair qanun layihəsinin müzakirəyə çıxarılması təşəbbüsünü oradakı erməni lobbisinin növbəti antiazərbaycan kampaniyası kimi qiymətləndirmək olar".

Bunu Milli Məclisin İctimai birliklər və dini qurumlar komitəsinin sədri, Yeni Azərbaycan Partiyası (YAP) icra katibinin müavini Siyavuş Novruzov Milli.Az-a açıqlamasında ABŞ Konqresində Azərbaycanda bəzi şəxslərə qarşı sanksiyaların tətbiq edilməsini nəzərdə tutan qanun layihəsinin müzakirəyə çıxarılacağı ilə bağlı xəbəri şərh edərkən deyib.

S.Novruzov qeyd edib ki, bu məsələ sabah Milli Məclisin plenar iclasında müzakirəyə çıxarılacaq: "Bu məsələ sabah Milli Məclisin plenar iclasında müzakirəyə çıxarılacaq. Biz əminik ki, bu məsələnin arxasında erməni lobbisi dayanır. Belə bir qanun layihəsinin qəbul edilməsi Azərbaycanla ABŞ arasında münasibətləri pisləşdirəcək və iki ölkə arasında strateji əməkdaşlığa xələl gətirəcək".  

Qeyd edək ki, ABŞ Helsinki Komissiyası Azərbaycana qarşı sanksiyaların tətbiq edilməsi barədə  qanun layihəsini artıq Konqresə təqdim edib. Bu barədə Helsinki Komissiyasının rəsmi saytında məlumat yayılıb.

Məlumatda bildirilir ki,  "Azərbaycanda Demokratiya Aktı" adlı qanun layihəsini Konqresə Helsinki Komissiyasının sədri, respublikaçı konqresmen Kris Smit təqdim edib. Kris Smitin təqdim etdiyi sənədin girişində qeyd olunur ki, qanun layihəsi Azərbaycan hökumətinin müstəqil jurnalistləri, müxalif siyasətçiləri və vətəndaş cəmiyyəti fəallarını susdurmaq üçün uzun illər ərzində göstərdiyi sistemli cəhdlərdən sonra hazırlanıb.

Layihədə təklif edilir ki, Azərbaycan hökumətinin yüksək vəzifəli məmurlarına, hakimiyyətə yaxın biznesmenlərə, təhlükəsizlik və məhkəmə sisteminin üzvlərinə ABŞ-a viza verilməsindən imtina olunsun və eyni zamanda onlara qarşı maliyyə sanksiyaları tətbiq edilsin.

İlkin İzzət
Milli.Az


Tags:  YAP ABŞ BMT deyil

RƏYLƏR


Top news