Aktual mövzular: Dollar alış-satışı , Hava haqqında, Məzənnə, Neftin qiyməti

Vrotslav Universitetində Koroğlu dastanının tərcüməçisinə həsr olunan xatirə lövhəsi açılıb

Vrotslav Universitetində Koroğlu dastanının tərcüməçisinə həsr olunan xatirə lövhəsi açılıb

Date: 17 December 2015 16:44


Bakı, 17 dekabr, AZƏRTAC 
Azərbaycanın Polşadakı səfirliyinin təşəbbüsü ilə Vrotslav Universitetində “Koroğlu” dastanının tərcüməçisi, tanınmış polyak şərqşünası Aleksandr Xodzdkoya həsr edilən xatirə lövhəsinin açılışı olub.
Səfirlikdən AZƏRTAC-a verilən məlumata görə, tədbirdə Vrotslav Universitetinin rektoru, professor Marek Boyarski, prorektorlar, Senatın üzvləri, müəllim və tələbələr iştirak ediblər.
Rektor Marek Boyarski Azərbaycan xalqının özünün dəyərli ədəbiyyat nümunələrinə qiymət verməklə bərabər, Aleksandr Xodzko kimi alimləri unutmadığına görə dərin təşəkkürünü bildirib. O, universitetdə qurulmuş xatirə lövhəsinin Azərbaycana marağın artmasına səbəb olacağına və ölkələrimiz arasında mövcud əlaqələrin güclənməsinə töhfə verəcəyinə əminliyini ifadə edib.
Həsən Həsənov çıxışında səfirlik tərəfindən həyata keçirilən “Biz unutmuruq” layihəsi çərçivəsində vaxtilə öz fəaliyyətləri ilə Azərbaycan və Polşa əlaqələrinin inkişafına töhfə vermiş şəxslərin xatirəsinə Polşanın bir sıra şəhərlərində 12 abidə, barelyef və lövhələr qurulduğunu söyləyib. O, tədbir iştirakçılarına müasir dövr Azərbaycan-Polşa əlaqələri haqqında məlumat verib. Xatirə lövhəsinin açılışının iki ölkə arasında dostluq və əməkdaşlıq münasibətlərinin təcəssümü olduğunu diqqətə çatdırıb.


Tags:  Vrotslav Universitetində Koroğlu dastanının tərcüməçisinə həsr olunan xatirə lövhəsi açılıb


RƏYLƏR


Top news