Bakı. Hüseyn Vəliyev - Trend:
"Wikipedia" şəbəkə ensiklopediyası .az (Wikipedia.az) yuxarı səviyyəli milli domenində qeydiyyata alınıb. Bunu Trend-ə Azərbaycan Milli Elmlər Akademiyasının (AMEA) akademik-katibi Rasim Əliquliyev deyib.
Onun sözlərinə görə, AMEA-nın İnformasiya Texnologiyaları İnstitutu yanında Wiki-mərkəz yaradılıb: "Onun vəzifəsi "Wikipedia" ilə elmi araşdırmaların aparılmasıdır. AMEA-nın nəzdində fəaliyyət göstərən Wiki-qruplarda isə şəbəkə ensiklopediyasında məlumatdan istifadə və yerləşdirmə üzrə təlimlər keçirilir".
"Wikipedia"nın məlumatına görə, şəbəkə ensiklopediyasında Azərbaycan dilində qeydiyyata alınmış məqalələrin sayı 101,6 mini ötür.
Bizi Twitter-dən izləyin: @trend_az
