Cəlilabad, 17 dekabr, Bağır Əliyev, AZƏRTAC
Cəlilabad rayonunda üzümçülüklə məşğul olan fermerlər və torpaq mülkiyyətçiləri havaların əlverişli keçməsindən istifadə edərək tənəklərin budanması prosesinə başlayıblar.
AZƏRTAC xəbər verir ki, adətən payızın son günlərinə təsadüf edən budama işinin aparılması növbəti ildə məhsuldarlığın artmasına müsbət təsir göstərir.
Mütəxəssislər bildirirlər ki, quru budama zamanı üzüm təngləri gücdən düşmüş bar çubuqlarından təmizlənir. Bağlarda yalnız cavan və məhsuldar çubuqlar saxlanılır. Bu isə növbəti ildə yüksək məhsuldarlığın yaranmasına səbəb olur.
Məhsul istehsalçıları 25 iş günündə budamanı başa çatdırmağı planlaşdırırlar.
Qeyd edək ki, Cəlilabad rayonunda 3200 hektar sahədə üzüm bağları salınıb.
