"Çelsi" baş məşqçi Joze Mourinyo ilə yollarını ayırıb. Bu haqda BBC məlumat yayıb.
London klubu cari mövsümün sonuna kimi portuqaliyalının məvacibini ödəməyə davam edəcək. Mövsümə uğursuz start verən "zadəganlar" hazırda Çempionşipə düşmə xəttindən cəmi 1 xal irəlidədi.
Komandanın müvəqqəti olaraq Xuande Ramos, Marçelo Lippi və Quus Hiddinkdən birinə həvalə olunacağı bildirilir. Mövsümün sonunda isə Dieqo Simeone ilə müqavilə imzalanacağı gözlənilir.
