Aktual mövzular: Dollar alış-satışı , Hava, Məzənnə, Neftin qiyməti

Nardaranda növbəti əməliyyat keçirilir - daha 5 nəfər saxlanılıb

Nardaranda növbəti əməliyyat keçirilir - daha 5 nəfər saxlanılıb

“FETÖ”-yə qarşı ŞOK ƏMƏLİYYAT – 100-dən çox şübhəli saxlanıldı (23 Fevral 2017 10:43)
Quyuda tüfəng gizlədən Nardaran sakini tutuldu (13 Fevral 2017 12:42)
Nardaranda quyuda odlu silah saxlayan şəxs tutulub (13 Fevral 2017 12:12)

Tarix: 18 Dekabr 2015 12:08

Bakı. Samir Məmmədov-Trend:

Bakının Nardaran qəsəbəsində hüquq-mühafizə orqanları növbəti əməliyyat keçirir.

Trend-in məlumatına görə, bu gün səhər saatlarında Daxili İşlər nazirliyinin Mütəşəkkil Cinayətkarlıqla Mübarizə İdarəsi, Bakı Şəhər Baş Polis İdarəsi və Sabunçu rayon Polis İdarəsinin əməkdaşlarının keçirdikləri əməliyyat-axtarış tədbirləri nəticəsində qəsəbə ərazisindən silah-sursat, narkotik maddələr aşkar edilib. Əməliyyat zamanı hadisədə təqsirli bilinən daha 5 nəfərin saxlanıldığı bildirilir.

Sabunçu rayon Polis İdarəsindən Trend-ə faktı təstiqləyiblər. İdarədən bildiriblər ki, hazırda əməliyyat qrupu Nardaran qəsəbəsindədir və əməliyyat davam edir.

Nardaran sakini Məşədi Natiq Kərimov isə Trend-ə bildirib ki, qəsəbədə əməliyyat dünən axşam saatlarından başlanıb və bir neçə nəfər saxlanılıb. Saxlanılan şəxslərdən birinin adı Rəşiddir. Saxlanılan şəxslər Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə aparılıb.

Xatırladaq ki, Nardaran qəsəbəsində əməliyyat noyabrın 26-da başlanıb. Sabunçu rayon Polis İdarəsi əməkdaşlarının keçirdikləri əməliyyat zamanı "Müsəlman Birliyi" adı ilə tanınan təşkilatın 14 üzvü saxlanılıb. Hadisə nəticəsində baş verən qarşıdurma zamanı ikisi polis əməkdaşı olmaqla 7 nəfər həlak olub.

Həmin əməliyyatdan sonra hüquq mühafizə orqanları əməkdaşları Nardaran qəsəbəsini nəzarətə götürüb.

Bizi Twitter-dən izləyin: @trend_az


Teqlər:  Nardaranda növbəti əməliyyat keçirilir nəfər saxlanılıb



RƏYLƏR


Top xəbərlər