Aktual mövzular: Dollar alış-satışı , Hava haqqında, Məzənnə, Neftin qiyməti

Oktay Əsədov: Kris Smit Ermənistan diasporunun üzvüdür (ƏLAVƏ OLUNUB)

Oktay Əsədov: Kris Smit Ermənistan diasporunun üzvüdür (ƏLAVƏ OLUNUB)

Date: 18 December 2015 12:23

Bakı. Elçin Mehdiyev – Trend:

ABŞ-ın Helsinki Komissiyasının sədri konqresmen Kris Smit vaxtilə Demokratlar Partiyasının üzvü, sonra Respublikaçılar Partiyasının üzvü olub, indi də Ermənistan diasporasının üzvüdür. Trend-in məlumatına görə, bunu Milli Məclisin spikeri Oktay Əsədov bu gün keçirilən plenar iclasda ABŞ-ın Helsinki Komissiyasının sədri konqresmen Kris Smitin Konqresə Azərbaycanda yüksək vəzifəli məmurlara sanksiyaların tətbiq olunması ilə bağlı layihə təqdim etməsinə münasibət bildirərkən deyib.

O.Əsədov bildirib ki, bu məsələni o qədər də şişirtmək lazım deyil: “Bəzi jurnalistlər bunu şok hadisə kimi təqdim edirlər. Bunun nəyi şokdur? Bu adi bir komissiyadır. Məsələni bu bu cür şişirtmək çox böyük səfdir”.

O.Əsədov deyib ki, Kris Smit adi bir konqresmendir. Spiker bu qanun layihəsinin Konqresdən keçməyəcəyini bildirib: “ABŞ Konqresində kifayət qədər Azərbaycanın dostları var. Bu qanun layihəsinin Konqresdən keçəcəyinə inanmıram”.

O.Əsədov bildirib ki, Kris Smit erməni diasporasının təsiri altında olan adamdır.

O.Əsədov sonra qeyd edib ki, Kris Smitin bu hərəkəti iki məqsəd daşıyır: “Dünya Azərbaycanlıları Günü ərəfəsində əf fərmanının imzalanması gözlənilir. İstəyirlər desinlər ki, guya biz dedik, Azərbaycan hökuməti də o adamları buraxdı. İkincisi istəyirlər ki, onların adını çəkdiyi adamlar buraxılmasın və bundan da Azərbaycana qarşı təzyiq vasitəsi kimi istifadə etsinlər. Onlar bu yolla Azərbaycanı təxribata çəkmək istəyirlər”.

Bizi Twitter-dən izləyin: @trend_az


Tags:  Oktay Əsədov Kris Smit Ermənistan diasporunun üzvüdür ƏLAVƏ OLUNUB

RƏYLƏR


Top news