Aktual mövzular: Dollar alış-satışı , Hava haqqında, Məzənnə, Neftin qiyməti

Yaponiyada iki edam hökmü icra edilib

Yaponiyada iki edam hökmü icra edilib

Date: 18 December 2015 12:43


Tokio, 18 dekabr, AZƏRTAC 
Yaponiyada iki cinayətkar barədə edam hökmü icra edilib. Bu barədə dekabrın 18-də ölkənin Ədliyyə Nazirliyinin əməkdaşları məlumat veriblər.
Bildirilib ki, həmin hökmlərdən biri ilk dəfə olaraq andlılar məhkəməsi tərəfindən qəbul edilmiş qərar əsasında icra edilib. Söhbət 2009-cu ildə təqsirli bilinmiş 63 yaşlı Sumitoşi Tsudadan gedir. Təhqiqatın nəticələrinə görə, bu şəxs Kavasaki şəhərində qonşusu olan üç nəfəri mətbəx bıçağı ilə öldürüb.
İkinci hökm isə 2006-cı ildə Yono şəhərində 55 yaşlı qadını və qızını qətlə yetirərək qarət etmiş Kazuyuki Vakabayaşi barəsində icra olunub.
Yaponiyada Baş nazir Şinzo Abenin hakimiyyətə gəlişindən sonra 14 cani barəsində ölüm hökmü icra edilib. Daha 129 nəfər barələrində çıxarılmış hökmün icrasını gözləyir. Yaponiya qanunvericiliyinə əsasən, bunun üçün ədliyyə nazirinin şəxsi göstərişi tələb olunur.
Vüqar Ağayev
AZƏRTAC-ın xüsusi müxbiri
Tokio

Tags:  Yaponiyada iki edam hökmü icra edilib


RƏYLƏR


Top news